मुलुंड पश्चिमेतील महाराणा प्रताप चौकात पालिका स्कायवॉक बांधणार आहे. यामुळे नागरिकांना आता रस्ता ओलांडण्याची गरज भासणार नाही. हा स्कायवॉक बेस्ट बस डेपो आणि प्रस्तावित मेट्रो स्टेशनला जोडेल.
पालिका ब्रिज विभागाचे मुख्य अभियंता संजय कौंडण्यपुरे यांनी सांगितले की, प्रस्तावित स्कायवॉकची एकूण लांबी ४५१.१६ मीटर आणि रुंदी ३ मीटर असेल. हा पूल पायल फाउंडेशन पद्धतीने बांधण्यात येणार आहे. याठिकाणी आधुनिक एस्केलेटर बसवण्यात येणार असून पायऱ्यांवर अँटी-स्किप टाइल्स स्लॅब बसवण्यात येणार आहेत. स्कायवॉकच्या छताच्या बांधकामावर पॉलीप्रॉपिलीन शीटचा वापर केला जाणार आहे.
पालिका आयुक्त आयएस चहल यांच्या नेतृत्वाखाली पालिका मुंबईत चांगले रस्ते देण्यासाठी प्रयत्न करत आहे. मुंबईतील वाहतुकीच्या समस्येवर मात करण्यासाठी स्कायवॉक आणि पूल बांधण्याच्या मोठ्या योजनेवर काम करत आहे.
पालिकेचे अतिरिक्त आयुक्त पी. वेलारासू म्हणाले की, मुलुंड (पश्चिम) येथील लाल बहादूर शास्त्री रोडवर अनेकदा ट्रॅफिक जॅम होतो. सततच्या वाहनांच्या वर्दळीमुळे पादचाऱ्यांना रस्ता ओलांडताना त्रास होतो. इथे डेपो देखील आहे. त्यामुळे याठिकाणी मोठ्या प्रमाणात पादचारी रस्ता ओलांडतात, त्यामुळे अपघात होण्याची दाट शक्यता असते.
या रस्त्यावरील पादचाऱ्यांची संख्या आणि वाहनांची ये-जा याबाबत पालिकेने नुकतेच सर्वेक्षण केले आहे. कन्सल्टन्सी फर्मच्या माध्यमातून अहवालही तयार करण्यात आला. विविध उपाययोजना आणि पर्यायांचा विचार करून पालिकेने महाराणा प्रताप जंक्शन येथे पादचाऱ्यांसाठी स्कायवॉक बांधण्याचा निर्णय घेतला आहे. या स्कायवॉकमुळे नियमित प्रवाशांना फायदा होणार आहे. तसेच, प्रस्तावित मेट्रो स्टेशनला जोडण्यात आलेल्या स्कायवॉकमुळे रस्त्यावरील पादचाऱ्यांची गर्दी कमी होणार आहे.
स्कायवॉकची खास वैशिष्ट्ये
हेही वाचा
Share
Tweet
