विमानाने मुंबईत येणाऱ्या प्रवाशांना त्यांचा इच्छित स्थळी जाण्यासाठी वातानुकूलित बस सेवा उपलब्ध करून देण्यात आली आहे. प्रवाशांना आता या बसचे आगाऊ तिकीट काढून आसन आरक्षित करता येणार आहे. त्यासाठी बेस्टच्या चलो अपद्वारे आगाऊ तिकीट काढता येईल, अशी माहीती बेस्ट उपक्रमाने दिली.

शुक्रवार, ९ सप्टेंबरपासून विमानतळसह अन्य प्रवाशांसाठी ही सेवा उपलब्ध होणार आहे. 3 वातानुकूलित विजेवरील बस सध्या सेवेत आहेत. या बसचे चलो अपचा माध्यमातून आरक्षण करता येणार आहे. त्यासाठी प्रवाशांना चलो अँप डाउनलोड करावे लागेल.

From 9th September you can book your seat in Airport bus services operated by @myBESTBus @fpjindia pic.twitter.com/pXOjeNY6B9

— Kamal Mishra (@Yourskamalk) September 8, 2022

कसे काढाल तिकीट?

• दक्षिण मुंबई बॅक बे करिता बसमार्ग क्रमांक ८८१, वाशी खारघर करिता बस मार्ग क्रमांक ८८२ आणि ठाण्याकरिता बस मार्ग क्रमांक ८८४ सर्च बारवर शोधावे.
• बसमार्गाची निवड केल्यावर ‘रिझर्व्ह सीट’ हा पर्याय निवडावा लागेल.
•  नंतर बसमध्ये चढण्याचे आणि उतरण्याचे ठिकाण निवडावे.
• त्यानंतर आपली वेळ निवडून तिकिटाची रक्कम जमा करावी.
• आपली बस नेमकी कुठे आहे याची माहिती घेऊन आरक्षित केलेल्या आसनाद्वारे आरामात प्रवास करता येणार आहे.

बसचे मार्ग कोणते ?

• छत्रपती शिवाजी महाराज आंतरराष्ट्रीय विमानतळापासून (टी 2) दक्षिण मुंबई, बॅक बे आगार
• छत्रपती शिवाजी महाराज आंतराष्ट्रीय विमानतळा पासून (टी 2) जलवायू विहार /खारघरमार्गे पामबीच रोड
• छत्रपती शिवाजी महाराज आंतराष्ट्रीय विमानतळापासून (टी 2) कॅडबरी जंक्शन ठाणे चलो अँपद्वारे सात दिवस किंवा काही तास आधीही तिकीट आरक्षित करता येणार आहे.

हेही वाचा

अनंत चतुर्दशीला अप फास्ट लोकल चर्नी रोड स्थानकावर थांबणार

आता तुम्हालाही करता येणार AC Local मधून प्रवास, वाचा सविस्तर