जुलै २०२० पर्यंत मुंबईला पहिल्या प्रोटोटाइप मेट्रो ट्रेनची डिलिव्हरी मिळेल, अशी माहिती नुकतीच मुंबई महानगर विकास प्राधिकरणा (MMRDA)ने दिली आहे. या प्रोटोटाइप मेट्रो ट्रेन दहिसर ते डी.एन. नगर (2A), डी.एन. नगर ते मंडाले (2 B) आणि अंधेरी ते दहिसर (7) या मार्गांवर चालवण्यात येतील.
‘एमएमआरडीए’ चे आयुक्त आर. ए. राजीव (R.A.Rajiv) यांनी हे कोच बनवणाऱ्या मे.भारत अर्थ मुव्हर्स लि. (M/S BEML) या कंपनीच्या बंगळुरूतील कारखान्याला नुकतीच भेट दिली. या कंपनीला ३७८ कोच (रोलिंग स्टाॅक) बनवण्याचं ३०१५ कोटी रुपयांचं कंत्राट देण्यात आलं आहे. यांत ६ कोचच्या ६३ मेट्रो ट्रेन्सचा समावेश आहे.
याशिवाय आणखी २१ मेट्रो ट्रेन (१२६) कोच बनवण्याचं अतिरिक्त कामही याच कंपनीकडून करून घेण्यात येणार आहे, असं ‘एमएमआरडी’ने स्पष्ट केलं. या ट्रेनचे नमुने सप्टेंबर २०१९ पर्यंत तयार होतील.
प्रोटोटाइप मेट्रो ट्रेन आधुनिक तंत्रज्ञानाने सज्ज असेल. या मेट्रोचे कोच नव्या पद्धतीचे, वजनाने हलके आणि ऊर्जा वाचवणारे असतील. शिवाय ही मेट्रो कम्युनिकेशन बेस्ड ट्रेन कंट्रोल (Communication Based Train Control) (CBTC) तंत्रज्ञानावर आधारीत असेल.
हेही वाचा-
वडाळा ते सीएसएमटीसह ३ मेट्रो मार्गांना मंजुरी
Share
Tweet
