आज सर्वच गोष्टी डिजिटल झालेल्या असताना तिकीटसुद्धा अॅपद्वारे काढता यावी, यासाठी मुंबई रेल्वे बोर्डाकडून यूटीएस नावाचं अॅप तयार करण्यात आलं. हे अॅप प्ले स्टोरवरून डाऊनलोड केल्यानंतर त्याद्वारे तिकीट काढताना दरवेळी आर व्हॅलेट रिचार्ज केल्यास 5 टक्के बोनस देण्यात येणार.
या माध्यमातून जास्तीत जास्त लोकांना डिजिटल तिकिटिंगशी जोडण्याचा मानस असल्याचं पश्चिम रेल्वेकडून सांगण्यात आलं आहे. सुरुवातीला हे अॅप वापरत असताना नागरिकांना अनेक अडचणी येत होत्या. ही बाब लक्षात घेता पश्चिम रेल्वेकडून यूटीएसच्या प्रचारासाठी विशेष अभियान आयोजित करण्यात आलं होतं.
2017 च्या तुलनेत 2018 मध्ये डिजिटल तिकीट काढणाऱ्यांमध्ये 220 टक्क्यांची वाढ झाली आहे. ज्यामुळे तिकीट खिडक्यांवरचा भार मोठ्या प्रमाणात कमी झाला आहे. यावर्षी दिलेल्या अतिरिक्त सुविधांचा वापर करत जास्तीत जास्त लोकांनी यूटीएस हे अॅप वापरण्याचं आवाहन पश्चिम रेल्वेकडून करण्यात आलं आहे.
Share
Tweet
