भारतीय रेल्वेने प्रवाशांच्या सोयी लक्षात घेऊन नियमांमध्ये मोठा बदल केला आहे. हे सर्वसाधारणपणे ट्रेनमध्ये प्रवास करणाऱ्या सर्व प्रवाशांना माहीत असते. रेल्वेने नुकताच केलेला बदल रात्री प्रवास करणाऱ्या प्रवाशांबाबत आहे.
रेल्वेच्या नव्या नियमांनुसार आता तुमच्या सीट, डब्यात किंवा डब्यातील कोणताही प्रवासी मोबाईलवर मोठ्या आवाजात बोलू शकणार नाही किंवा मोठ्या आवाजात गाणी ऐकू शकणार नाही. प्रवाशांना त्रास होऊ नये आणि प्रवासादरम्यान शांत झोप लागावी यासाठी रेल्वेने नवीन मार्गदर्शक तत्त्वे जारी केली आहेत.
मीडिया रिपोर्ट्सनुसार, अनेक प्रवासी अनेकदा तक्रार करतात की त्यांच्या कोचमध्ये प्रवास करणारे लोक फोनवर मोठ्याने बोलतात किंवा रात्री उशिरापर्यंत गाणी ऐकतात.
रेल्वे एस्कॉर्ट किंवा मेंटेनन्स कर्मचारीही मोठ्याने बोलतात, अशीही काही प्रवाशांची तक्रार होती. याशिवाय अनेक प्रवासी रात्री १० नंतरही दिवे लावतात, त्यामुळे त्यांची झोप उडते. या पार्श्वभूमीवर रेल्वेने नवा नियम केला आहे. अशा परिस्थितीत कोणत्याही प्रवाशाने नियमांचे पालन केले नाही तर त्याच्यावर कारवाई केली जाईल.
जाणून घ्या काय आहेत नवीन नियम
ट्रेनमध्ये प्रवासादरम्यान रात्री 10 नंतर जर तुम्ही मोबाईलवर जोरात बोलत असाल तर कठोर कारवाई केली जाईल, असा निर्णय रेल्वे बोर्डाने घेतला आहे.
नवीन नियमांनुसार, रात्रीच्या प्रवासात प्रवासी मोठ्याने बोलू शकत नाहीत आणि गाणी ऐकू शकत नाहीत. कोणत्याही प्रवाशाने तक्रार केल्यास ती सोडवण्याची जबाबदारी ट्रेनमध्ये उपस्थित कर्मचाऱ्यांची असेल.
Share
Tweet
