महाराष्ट्र आणि गोवा दरम्यान गाड्या वाहून नेणाऱ्या देशातील पहिल्या रो-रो ट्रेन सेवेचे बुकिंग सुरू होऊन एक आठवडा झाला आहे. तथापि, नागरिकांकडून फारसा प्रतिसाद मिळत नाही आहे. कारण रविवारपर्यंत कोकण रेल्वे अधिकाऱ्यांना याबद्दल विचारणा करणारे फक्त 38 कॉल आले होते, त्यापैकी फक्त एका व्यक्तीने 23 ऑगस्टपासून कोलाड येथून सुरू होणाऱ्या प्रवासासाठी बुकिंग केली होती.
कोकण रेल्वे (केआर) अधिकाऱ्यांनी सांगितले की, अपुरे बुकिंग (16 पेक्षा कमी गाड्या) झाल्यास, ट्रिप रद्द केली जाईल आणि नोंदणी शुल्क परत केले जाईल.
प्रति ट्रिप 40 गाड्या सामावून घेऊ शकणारी रो-रो ही महाराष्ट्रातील कोलाड ते गोव्यातील वेर्णा पर्यंत नॉन-स्टॉप धावण्याची योजना आखण्यात आली आहे.
गणपती उत्सवाच्या अगदी आधी, कोकण मार्ग रेल्वेसाठी अत्यंत गर्दीचा बनतो. कारण रेल्वे त्यांच्या क्षमतेपेक्षा जास्त डबे असलेल्या नियमित आणि विशेष गाड्या चालवते.
रेल्वेतील सूत्रांनी सांगितले की, त्यांना मिळालेल्या बहुतेक प्रश्नांमध्ये रत्नागिरी आणि सावंतवाडीसारख्या महत्त्वाच्या स्थानकांवर रो-रो थांबला का? याविषयी प्रश्न होते. गणेशोत्सव साजरा करण्यासाठी लोक त्यांच्या गावी जाणाऱ्यांची संख्या जास्त असते. तथापि, या स्थानकांवर गाड्या चढवण्यासाठी आणि उतरवण्यासाठी कोणत्याही सुविधा उपलब्ध नसल्यामुळे, थांबा दिला जाणार नाही, असे रेल्वे अधिकाऱ्यांनी सांगितले.
11 सप्टेंबरपर्यंत रो-रो सुविधा प्रत्येक दिशेने पर्यायी दिवशी चालवण्याचा प्रस्ताव आहे. 23 ऑगस्टपासून कोलाड आणि 24 ऑगस्ट रोजी वेर्णा येथून सुरू होणाऱ्या मार्गासाठी 13 ऑगस्ट रोजी या सेवेचे बुकिंग बंद होईल.
महाराष्ट्रातील अखंड कोकण रेल्वे प्रवासी सेवा समितीचे सचिव अक्षय महापदी यांनी निदर्शनास आणून दिले की, प्रति वाहन 7,875 रुपयांचा खर्च आणि वैयक्तिक प्रवासी भाडे बहुतेक कुटुंबांना परवडणारा नाही,” असे ते म्हणाले. “ही संकल्पना नाविन्यपूर्ण आहे पण त्याची वेळ अत्यंत अयोग्य आहे. त्यांनी नवीन वर्षाच्या उत्सवासाठी डिसेंबरच्या आसपास ही घोषणा करायला हवी होती.”
रेल्वे प्रवासी संघटनांना भीती आहे की, रो-रो विशेष गाड्यांच्या जागेवार चालवली जाईल. याऐवजी अधिक गणपती विशेष गाड्या चालवल्या जाऊ शकतात.
सध्या, मध्य रेल्वेने 250 विशेष गाड्या जाहीर केल्या आहेत आणि पश्चिम रेल्वे उत्सवासाठी 44 विशेष गाड्या चालवणार आहे.
हेही वाचा
Share
Tweet
