शिवनेरी आणि शिवशाही पाठोपाठ विजेवर धावणारी पहिली शिवाई बस येत्या डिसेंबर महिन्यापासून मुंबई-पुणे मार्गावर धावणार आहे. डिसेंबरपासून मुंबई- पुणे मार्गावर 100 शिवाई बस चालवण्यात येणार आहेत.
प्रदूषणमुक्त प्रवास आणि इंधनावरील खर्च कमी करण्यासाठी एसटी महामंडळाने हा निर्णय घेतलाय. सध्या मुंबईतील परेल आगार सोडता अन्य आगारात या बससाठी चार्जिंग स्टेशनचे काम पूर्ण करण्यात आलं आहे.
१०० बस दाखल झाल्यानंतर त्यापैकी ९६ बस विविध मार्गावर चालवण्याचे नियोजन केले आहे.
'शिवाई'च्या वैशिष्ट्याबद्दल सांगायचे तर, बसमध्ये अशा अनेक गोष्टी आहेत ज्या लोकांचे लक्ष वेधून घेण्याचे काम करतील. बसची लांबी 12 मीटर असून त्यात टू बाय टू आसनव्यवस्था असून त्यात एकूण 43 आसने असतील. बसमध्ये एसीची सुविधा देण्यात आली आहे. तसेच, ते 80 किमी प्रतितास वेगाने रस्त्यावर धावेल. बसची बॅटरी क्षमता 322 kV आहे.
प्रदूषणुक्त प्रवास, इंधनावरील खर्च कमी करण्यासाठी एसटी महामंडळाने विजेवरील वातानुकूलित शिवाई बस चालवण्याचा निर्णय घेतला. अशा १५० बस महामंडळाच्या ताफ्यात टप्प्याटप्यात येणार असून पहिल्या टप्यात ५० बस आणि दुसऱ्या टप्प्यात १०० बस दाखल होतील.
५० बसपैकी दोन बस पुणे -नगर -पुणे मार्गावर नुकत्याच चालवण्यात आल्या. मुंबई, ठाणे -पुणे मार्गावरही डिसेंबरपासून शिवाई बस चालवण्याचे नियोजन आहे. कंपनीकडून या बस एसटी महामंडळाला मिळण्यास बराच विलंब झाला आहे.
महाराष्ट्र राज्य मार्ग परिवहन महामंडळाने (MSRTC) 200 ई-बससाठी निविदा काढल्या होत्या. त्यांना खासगी कंपनीने भाडेतत्त्वावर देण्याची चर्चा निविदेत होती. या बस 200 किमीच्या परिघात चालवल्या जातील आणि त्या पूर्णपणे वातानुकूलित असतील, असे राज्य परिवहनकडून सांगण्यात आले. संपूर्ण राज्यात सेवा देणाऱ्या MSRTC कडे सुमारे 20,000 डिझेल बस आहेत.
हेही वाचा
Share
Tweet
