मुंबई (mumbai) मेट्रो मार्ग 2ए, 7, 9 आणि 2 बी वर 9 जुलै रोजी 3,65,845 प्रवाशांनी प्रवास केला.

ही एका दिवसातील आतापर्यंतची सर्वाधिक प्रवासी संख्या (ridership) आहे. यामुळे 'मुंबई महानगर प्रदेश विकास प्राधिकरणा'च्या (mmrda) अखत्यारीतील मेट्रो नेटवर्कने एक नवा उच्चांक प्रस्थापित केला आहे.

या पावसाळ्यात मेट्रो (mumbai metro) नेटवर्कने स्वतःचाच दैनंदिन प्रवासी संख्येचा विक्रम मोडण्याची ही तिसरी वेळ आहे.

यापूर्वी 23 जून रोजी 3,58,115 आणि 19 जून रोजी 3,57,895 प्रवाशांनी प्रवास केला होता. यावरून प्रवाशांचा मेट्रो सेवेला मिळणारा प्रतिसाद सातत्याने वाढत असल्याचे दिसून येते.

MMRDA च्या मते, सुधारित कनेक्टिव्हिटी, विश्वसनीय सेवा आणि कार्यान्वित मार्गांचा विस्तार यामुळे मेट्रो नेटवर्कमधील प्रवासी संख्येत सातत्याने वाढ होत आहे.

या नेटवर्कवर 'व्हॉट्सॲप-आधारित पेपरलेस तिकीटिंग'चाही आतापर्यंतचा सर्वाधिक वापर नोंदवला गेला आहे. हजारो प्रवाशांनी या प्लॅटफॉर्मद्वारे क्यूआर-कोड (QR-code) तिकिटांची निवड केली.

डिजिटल तिकीटिंगच्या वाढत्या वापरामुळे प्रवाशांचा प्रवास अधिक सोयीस्कर झाला आहे आणि स्थानकांवरील तिकीट खिडक्यांवरील रांगा कमी होण्यास मदत झाली आहे, असे MMRDA ने नमूद केले.

अतिरिक्त मेट्रो मार्ग कार्यान्वित होत असताना आणि 'लास्ट-माईल कनेक्टिव्हिटी' (स्थानकापासून अंतिम गंतव्यस्थानापर्यंतची जोडणी) सुधारत असताना प्रवासी संख्या आणखी वाढण्याची अपेक्षा अधिकाऱ्यांना आहे.

यामुळे मुंबईच्या सार्वजनिक वाहतूक व्यवस्थेत मेट्रो नेटवर्कची भूमिका अधिक बळकट होईल.

हेही वाचा

पुराच्या पाण्यामुळे आरोग्य धोक्यात, डॉक्टरांचा इशारा

झाडांच्या मुळांचे नुकसान झाल्यास कंत्राटदार-अधिकाऱ्यांवर थेट कारवाई