पंतप्रधान आज मुंबईत, वाहतूक मार्गात बदल, 'हे' रस्तेही बंद

मेट्रोचे (Mumbai Metro) उद्घाटन आणि इतर कामांच्या उद्घाटनासाठी पंतप्रधान नरेंद्र मोदी 19 जानेवारीला मुंबईत (Mumbai news) येणार आहेत. या पार्श्वभूमीवर मुंबई वाहतूक पोलिसांनी ट्रॅफिक अलर्ट जारी केला आहे.

19 जानेवारी रोजी दुपारी 4.30 ते संध्याकाळी 6.30 दरम्यान, खालील पर्यायी मार्गांचा वापर केला जाऊ शकतो.

1.वेर्स्टन एक्स्प्रेस हायवे (WEH), Sealink कडून येणारी वाहने BKC पासून कुर्ल्याच्या दिशेने MMRDA जंक्शनपर्यंत आणि धारावी T जंक्शनवरून कुर्ला आणि EEH कडे जातील.

2.प्राप्तिकर जंक्शन मार्गे संत ज्ञानेश्वर नगर ते बीकेसीकडे जाणारी वाहने गुरु नानक हॉस्पिटल-जगत विद्या मंदिर जंक्शन-कला नगर जंक्शन आणि धारावी टी जंक्शन मार्गे कुर्ल्याकडे जातील.

3.खेरवाडीहून बीकेसी मार्गे कुर्ल्याकडे जाणारी वाहने वाल्मिकी नगर येथे यू टर्न घेतील आणि शासकीय वसाहत-कलानगर जंक्शन-धारावी टी जंक्शन मार्गे कुर्ल्याकडे जातील.

4.व्हीईएच, धारावी आणि सी-लिंक मार्गे रझाक आणि सुर्वे जंक्शनकडे जाणारी वाहने बीकेसी मार्गे हंसभुगरा जंक्शनला सीएसटी रोड, विद्यापीठ मुख्य गेट, आंबेडकर जंक्शन मार्गे उजवीकडे वळण घेतील आणि त्यांच्या गंतव्याच्या दिशेने जातील.

5.चुनाभट्टी ते BKC कनेक्टर मार्गे EEH मार्गे जाणारी वाहने NSE जंक्शन- इन्कम टॅक्स जंक्शन-फॅमिली कोर्ट जंक्शन आणि नंतर MMRDA जंक्शन मार्गे त्यांच्या इच्छित स्थळी जातील.