टिटवाळा स्थानकातून मुंबईकडे जाणाऱ्या लोकल ट्रेनच्या डब्यात एका ६५ वर्षीय वृद्धाचा मृतदेह सापडला होता. याप्रकरणी एकाला ताब्यात घेण्यात आले आहे. (Mumbai Local train news)
ट्रेनच्या डब्यात मृत सापडलेल्या व्यक्तीचे नाव बबन हांडे होते. ते मुंबई पोर्ट ट्रस्टचा माजी कर्मचारी होते अशी माहिती पोलिसांनी दिली. बबन हांडे यांचे एका प्रवाशाबरोबर वाद झाले. वादाचे रुपांतर धक्काबुक्कीत झाले. त्यात त्यांचा जागीच मृत्यू झाला. पोलिसांनी शुक्रवारी ही माहिती दिली. (Mumbai local news)
ही घटना गुरुवारी दुपारी मध्य रेल्वे मार्गावर कल्याण ते टिटवाळा स्थानकादरम्यान घडली. इतर प्रवाशांनी या घटनेत सहभागी असलेल्या संशयिताला पकडून पोलिसांच्या ताब्यात दिले.
गव्हर्नमेंट रेल्वे पोलिस (जीआरपी) स्टेशनच्या एका अधिकाऱ्याने सांगितले की, “हांडे टिटवाळा-मुंबई लोकल ट्रेनमध्ये सामानाच्या डब्यात दुपारी 2 वाजता चढले. कल्याण स्थानकात तो बोगीत रक्ताच्या थारोळ्यात पडला असल्याची माहिती त्याच्या सहप्रवाशांनी पोलिसांना दिली. यानंतर पोलीस घटनास्थळी पोहोचले.
त्यांनी सांगितले की, प्रवाशांनी एका व्यक्तीला पकडून पोलिसांच्या ताब्यात दिले. आरोपीने वृद्ध व्यक्तीला चालत्या ट्रेनमध्ये धक्काबुक्की केली, परिणामी त्याचे डोके एखाद्या वस्तूवर आदळले आणि ते खाली पडला आणि त्याचा मृत्यू झाला, असे अधिकाऱ्याने सांगितले. अधिकाऱ्यांनी सांगितले की, ताब्यात घेतलेल्या व्यक्तीची चौकशी केली जात आहे आणि सीसीटीव्ही फुटेजही तपासले जात आहे.
हेही वाचा
Share
Tweet
