राज्य सरकारनं लागू केलेल्या नवीन निर्बंधानुसार केवळ अत्यावश्यक सेवेतील कर्मचाऱ्यांनाच लोकलनं प्रवास करता येणार आहे. त्यामुळं सर्वसामान्य नागरिकांच्या लोकल प्रवासावर बंधनं आली आहेत.
सध्या राज्यात पुन्हा कोरोनाचा उद्रेक झाल्यानं सरकारनं कडक निर्बंध लागू केले आहेत.
योग्य कारणाशिवाय नागरिकांना घराबाहेर पडण्यावर बंधन घालण्यात आले आहे.
अत्यावश्यक सेवेतील कर्मचाऱ्यांना सार्वजनिक वाहतूक व्यवस्थेतून प्रवासाची मुभा दिली गेली आहे.
वैद्यकीय सेवेतील कर्मचारी, पोलीस दलातील कर्मचारी, सरकारी कार्यालयातील कर्मचारी, बँक, वित्त आणि विमा सेवा कर्मचारी आदींना लोकलमधून प्रवास करता येईल.
स्थानकाच्या प्रवेशद्वारावर रेल्वे पोलीस आणि आरपीएफ कर्मचाऱ्यांची नियुक्ती केली जाणार आहे.
राज्य सरकारच्या मार्गदर्शक सूचनांप्रमाणे ज्या संवर्गातील नागरिकांना प्रवासास मुभा दिली आहे, त्यांनाच स्थानकात प्रवेश दिला जाईल.
नागरिकांचे अधिकृत ओळखपत्र तपासले जाईल.
अत्यावश्यक कामाव्यतिरिक्त विनाकारण फिरणाऱ्यांना प्रवासास परवानगी दिली जाणार नाही.
Share
Tweet
