पुणेकरांसाठी एक महत्वाची बातमी आहे. कोरोना महामारीच्या सुरूवातीच्या काळात वाढवण्यात आलेले पुणे रेल्वेस्थानकावरील प्लॅटफॉर्म तिकीटाचे दर आजपासून पुन्हा एकदा दहा रुपये करण्यात आले आहेत.
Maharashtra: Normal sale of platform tickets resumes at Pune railway station. With effect from Feb 1, the platform tickets will be available at Rs 10 per person. The cost was earlier raised to Rs 50 to deter unnecessary crowding at the railway station amid the #COVID19 pandemic.
— ANI (@ANI) February 1, 2022
पुणे रेल्वे स्थानकावर प्लॅटफॉर्म तिकिटांची सामान्य विक्री पुन्हा सुरू झाली आहे. आजपासून (१ फेब्रुवारी) प्लॅटफॉर्म तिकीट प्रति व्यक्ती १० रुपये या दरानं उपलब्ध होणार आहे. कोरोना महामारीमुळे रेल्वे स्थानकावर होणारी अनावश्यक गर्दी रोखण्यासाठी या तिकीटाची किंमत वाढवून ५० रुपये करण्यात आली होती.
मात्र आता कोरोना संसर्गाचे प्रमाण कमी होताना दिसत असल्यानं आणि शहरातील कोविड स्थितीचा आढावा घेऊन पुन्हा एकदा प्लॅटफॉर्म तिकीटाचे दर पूर्ववत करण्यात आल्याचे दिसत आहे.
रेल्वेस्थानकांवरील अनावश्यक गर्दी टाळण्यासाठी व सोशल डिस्टंसिंगचे पालन व्हावे या उद्देशानं तिकीट दर वाढवले गेल्याचे रेल्वे प्रशासनाकडून सांगण्यात आले होते. तर, वृद्ध, दिव्यांग, रूग्ण, गरोदर आदींसह मदतीची आवश्यकता असणाऱ्यांनाच प्लॅटफॉर्म तिकीट दिले जात होते.
हेही वाचा