मुंबई-कोल्हापूर अाणि मुंबई-गोवा या मार्गावर चालविण्यात येणाऱ्या शिवशाही बससेवेला तुफान प्रतिसाद मिळत असल्याबद्दल अाता बोरीवली ते मालवण या सागरी महामार्गावर 'शिवशाही' बस सुरू करण्याचा निर्णय एसटी महामंडळातर्फे घेण्यात आला आहे. नववर्षात म्हणजेच मंगळवारपासून ही बससेवा सुरू होणार अाहे.
मुंबईतल्या प्रवाशांना थेट मालवणला जाण्यासाठी एसटी महामंडळानं बोरीवली ते मालवण ही शिवशाही बससेवा सुरू करण्याचे ठरवले असून सलग सुट्ट्यांच्या काळात कोकणात पर्यटनासाठी जाणाऱ्या प्रवाशांसाठी ही बससेवा फायद्याची ठरणार अाहे. त्यामुळे शिवशाही बसला चांगला प्रतिसाद मिळेल, अशी शक्यता वर्तवली जात अाहे.
बोरीवली ते मालवण या मार्गाकरिता फक्त ६०० रुपये तिकीट दर अाकारण्यात येणार अाहे. वातानुकूलित अाणि अारामदायी अशा दोन बसेस एसटी महामंडळानं उपलब्ध करून दिल्या अाहेत.
बोरीवलीहून मालवणकरिता जाणारी ही बस बोरीवली येथून दररोज दुपारी ४.३० वाजता सुटणार असून पनवेल, रत्नागिरी, पावस, अाडिवरे, नाटे, जैतापूर पडेल कँटिन, जामसंडे कुणकेश्वर अाणि देवगडमार्गे मालवणला जाईल. तसंच मालवणहून दररोज संध्याकाळी ३ वाजता याचमार्गे परतीचा प्रवास सुरू होईल.