चित्रपटांमध्ये प्रसिद्ध अॅक्टर सोनू सूदनं हजारो प्रवासी मजुरांना त्यांच्या घरी पोहोचवण्यासाठी दिवसरात्र एक केले. सोनू अजूनही अडचणींमध्ये अडकलेल्यांना मदत करत आहे.
सोशल मीडियावर त्याला जो कुणी मदत मागतो, त्याला तो निराश करत नाही. त्याचं काम करण्यासाठी तो पूर्ण प्रयत्न करतो. अनेकदा त्याचे चाहते त्यांच्याकडून भलतीच फर्माईश करतात. तो देखील मस्करीमध्ये घेत चाहत्यांना मजेशीर उत्तर देतो.
Hahah...इतनी बड़ी ज़िम्मेदारी मत दो भाई 🙏 https://t.co/4rPpIEalMF
— sonu sood (@SonuSood) July 23, 2020
नुकतंच त्याच्या चाहत्यानं ट्विटरवर लिहिलं की, आता वेळ आली आहे कोरोनाची व्हॅक्सीन बनवण्याची जबाबदारीही सोनू सूदला द्यायला हवी. सोनूनं या ट्विटवर गमतीशीर उत्तर देताना लिहिलं की, हाहाहा, इतकी मोठी जबाबदारी देऊ नको भाई.
कोरोनाव्हायरसमुळे देशात लॉकडाऊन लागले आणि यानंतर सोनू सूद सर्वांचा आवडता झाला. हजारो प्रवासी घरी पाठवल्यानंतर सोनूनं अजून एक पुढाकार घेतला आहे. आता तो परप्रांतीयांना नोकर्‍या मिळवून देण्यासही मदत करणार आहे. यासाठी सोनूने 'प्रवासी रोजगार' नावाचं एक अॅप सुरू केलं आहे. जे स्थलांतरितांना नोकरी शोधण्यासाठी माहिती आणि योग्य लिंक प्रदान करेल.
हेही वाचा
Share
Tweet
