देशातील सरकारी बँकांची लूट अद्यापही सुरू असल्याचं धक्कादायक वास्तव समोर आलं आहे. चालू आर्थिक वर्षातील पहिल्या तिमाहीत १८ सरकारी बँकांमधील फसवणुकीची २४८० प्रकरणं समोर आली आहेत. या फसवणुकीच्या प्रकरणांमध्ये बँकांना तब्बल ३१ हजार ८९८.६३ कोटी रुपयांचा गंडा घातला आहे. माहिती अधिकाराखाली मागवलेल्या माहितीतून ही फसवणूक समोर आली आहे.
RTI activist C Gaud: Most cases are related to SBI-1197 where Rs 12,012.77 Cr is involved. Allahabad Bank comes 2nd with 381 cases where Rs 2855.45 Cr involved. PNB comes 3rd-99 cases with Rs 2526.55 Cr involved. RBI said data on extent of loss is not available with them. (09.09) https://t.co/QQXdyqrJ3Y
— ANI (@ANI) September 10, 2019
माहिती अधिकार कार्यकर्ते चंद्रशेखर गौड यांनी रिझर्व्ह बँकेकडे माहिती मागितली होती. आरबीआयने त्यांना दिलेल्या माहितीतून बँकांमधील ही फसवणुकीची प्रकरणे समोर आली आहेत. २०१९-२० या आर्थिक वर्षातील जून -आॅगस्ट या तिमाहीत सर्वाधिक फसवणूक एसबीआयची झाली आहे. एसबीआयला १,१९७ फसवणुकीच्या प्रकरणांमध्ये १२,०१२.७७ कोटी रुपयांचं नुकसान झालं आहे. त्यापाठोपाठ अलाहाबाद बँकेला प्रकरणांमध्ये २,८५५.६६ कोटींचा गंडा घातला आहे.
बँक | फसवणूक प्रकरणं | फसवणुकीची रक्कम (कोटी रु. मध्ये) |
एसबीआय | ११९७ | १२,०१२.७७ |
अलाहाबाद बँक | ३८१ | २८५५.४६ |
पीएनबी | ९९ | २५२६.५५ |
बँक ऑफ बडोदा | ७५ | २२९७.०५ |
ओरिएंटल बँक ऑफ कॉमर्स | ४५ | २१३३.०८ |
कॅनरा बँक | ६९ | २०३५.८१ |
सेंट्रल बँक ऑफ इंडिया | १९४ | १९८२.२७ |
युनाइटेड बँक ऑफ इंडिया | ३१ | ११९६.१९ |
काॅर्पोरेशन बँक | १६ | ९६०.८० |
इंडियन ओवरसीज बँक | ४६ | ९३४.६७ |
सिंडिकेट बँक | ५४ | ७९५.७५ |
युनियन बँक ऑफ इंडिया | ५१ | ७५३.३७ |
बँक ऑफ इंडिया | ४२ | ५१७ |
युको बैंक | ३४ | ४७०.७४ |
हेही वाचा -
एसबीआयचे कर्ज आणखी स्वस्त, सलग पाचव्यांदा व्याजदरात कपात