लॉकडाऊनच्या काळात ग्राहकांच्या सोईसाठी बँकिग क्षेत्रात वेगवेगळ्या उपाययोजना आखल्या जात आहेत. सध्या काही बँकांनी ATM व्हॅनची सोय केली आहे. तर काहींनी ऑनलाईन व्यवहारावर अधिक भर दिला आहे. आयसीआयसीआय बँकेनं देखील ग्राहकांना कोणत्याही समस्यांना सामोरे जायला लागू नये याकरता एक नवी सुविधा सुरू केली आहे. ICICI बँकेनं सुरी केलेली ही सुविधा नवीनच असून इतर कोणत्याही बँकेनं सुरू केली नाही. या सुविधेअंतर्गत आयसीआयसीआयचे ग्राहक अगदी सोयीस्कररित्या बँकेची कामं करू शकतात.
आयसीआयसीआयनं व्हॉईस असिस्टंट Amazon Alexa आणि Google Assistant यांच्याबरोबर AI संचालित मल्टी-चॅनल चॅटबॉट 'iPal' लाँच केला आहे. या चॅटबॉटच्या मदतीनं ग्राहकांची बँकिंगमधील कामं सोपी करण्याचा ICICI चा मानस आहे. लॉकडाऊनमुळे अनेक जणांना बँकेपर्यंत पोहोचणं कठीण झालं आहे. त्यामुळे ही योजना राबवण्यात येत आहे.
आपल्या अधिकृत ट्विटर अकाउंटवरून ट्वीट करत त्यांनी ही माहिती दिली आहे. ही सुविधा २४ तास उपलब्ध असणार असून याकरता बँकेचे अॅप वापरावे लागणार आहे.
ICICI नं गेल्या महिन्यात व्हॉट्सअॅप बँकिंग सर्व्हिस सुरू केली होती. ज्याअंतर्गत ग्राहकांना व्हॉट्सअॅपवरच सेव्हिंग अकाउंट बॅलेन्स (Savings Account Balance), शेवटचे तीन टान्झॅक्शन, क्रेडिट कार्ड लिमीट त्याचप्रमाणे प्री अप्रुव्ह्ड लोन इ. बाबींची माहिती मिळू शकते. तसंच व्हॉट्सअॅपवरच ग्राहक त्याचे क्रेडिट आणि डेबिट कार्ड देखील ब्लॉक किंवा अनब्लॉक करू शकतात.
हेही वाचा