केंद्र सरकारकडून ४३ मोबाइल अ‍ॅप्सवर बंदी

देशाचे सार्वभौमत्व, अखंडता आणि सुरक्षेसाठी धोका असल्याचं कारण देत या अ‍ॅपवर बंदी घालण्यात आल्याचं कारण सरकारकडून देण्यात आलं आहे.

By मुंबई लाइव्ह टीमव्यवसाय

Mumbai

केंद्र सरकारकडून ४३ मोबाइल अ‍ॅप्सवर बंदी

केंद्र सरकारने मंगळवारी आणखी ४३ मोबाइल अ‍ॅप्सवर बंदी घातली. देशाचे सार्वभौमत्व, अखंडता आणि सुरक्षेसाठी धोका असल्याचं कारण देत या अ‍ॅप्सवर बंदी घालण्यात आल्याचं कारण सरकारकडून देण्यात आलं आहे.

माहिती तंत्रज्ञान कायद्याच्या कलम ६९ अ अंतर्गत या अ‍ॅप्सवर बंदी घातली आहे. या ४३ अॅप्समध्ये १४ डेटिंग, ८ गेमिंग, ६ बिझनेस/ फायनान्स आणि एका एंटरटेनमेंट अ‍ॅप्सचा समावेश आहे. केंद्र सरकारने मागील १४८ दिवसांत २६७ अ‍ॅप्सवर बंदी घातली आहे.

सरकारने आतापर्यंत चारवेळा अ‍ॅप्सवर कारवाई केली आहे. पहिल्यांदा २९ जूनला ५९ चीनी अ‍ॅप्स बॅन करण्यात आले होते. गलवानमध्ये झालेल्या हिंसक हाणामारीनंतर ही कारवाई करण्यात आली होती. यानंतर २७ जुलैला ४७ अ‍ॅप्स बंद करण्यात आले. लडाखमध्ये तणाव वाढल्यानंतर ही कारवाई करण्यात आली. यानंतर २ सप्टेंबरला सरकारने पबजीसह ११८ अ‍ॅप्स बॅन केले. त्यानंतर आता पुन्हा सरकारने अ‍ॅप्सवर कारवाई केली आहे.

बंदी घालण्यात आलेले अ‍ॅप्स

१. अली सप्लायर्स

२. अली बाबा वर्कबेंच

३. अली एक्सप्रेस- स्मार्टर शॉपिंग, बेटर लिविंग

४. अलीपे कॅशियर

५. लालामोव इंडिया- डिलीवरी अॅप

६. ड्राइव विद लालामोव इंडिया

७. स्नॅक व्हिडिओ

८. कॅमकार्ड- बिजनेस कार्ड रीडर

९. कॅम कार्ड- BCR (वेस्टर्न)

१०. सोल- फॉलो द सोल टु फाइंड यू

११. चायनीज सोशल- फ्री ऑनलाइन डेटिंग वीडियो अॅप अँड चॅट