कल्याण-डोंबिवली महापालिकेच्या हद्दीत येणाऱ्या 27 गावांतील नागरिकांना दिलासा मिळाला आहे. जवळपास 14 गावांचा नवी मुंबई महापालिकेत समावेश करण्याचा निर्णय मुख्यमंत्री एकनाथ शिंदे यांनी येथे जाहीर केला. उल्हासनगरमधील अनधिकृत बांधकामांवर बंदी घालण्याबाबत आगामी मंत्रिमंडळात निर्णय घेण्यात येणार असल्याची घोषणा करत मुख्यमंत्र्यांनी संत सावळाराम स्मारकासाठी जागा देण्याची प्रक्रिया जलद गतीने करण्याचे निर्देश दिले.
कल्याण डोबिवली, उल्हासनगर, नवी मुंबईतील 14 गावांच्या संदर्भात मुख्यमंत्र्यांनी वर्षा निवास येथे सविस्तर आढावा बैठक घेतली.
या गावाचा नवी मुंबई महापालिकेत समावेश
ही 14 गावे यापूर्वी नवी मुंबई पालिकेच्या बाहेर ठेवण्यात आली होती. यानंतर त्यांचा पुन्हा नवी मुंबईत समावेश करण्यात आला आहे. यामध्ये नवी मुंबईतील 14 गावांचा समावेश करण्याचा निर्णय घेण्यात आला आहे. 27 गावांबाबतही मोठा निर्णय घेण्यात आला. कल्याण-डोंबिवलीचे खासदारने सांगतिले की, 2017 सारखा कर लागू करण्याचा निर्णय आज घेण्यात आला आहे.
या बैठकीत 27 गावांचे प्रश्न, कल्याण डोंबिवली महापालिकेतील पुनर्विकास, नवी मुंबई महापालिकेत 14 गावांचा समावेश, उल्हासनगरमधील अनधिकृत बांधकामे नियमित करणे, संत सावळाराम स्मारकासाठी जागा आदी विषयांवर सविस्तर चर्चा करण्यात आली.
कल्याण डोंबिवली महापालिका हद्दीतील 27 गावांतील मालमत्ता कराची प्रकरणे प्रलंबित होती. 2017 च्या दरानुसार कर आकारणी करावी, असे निर्देश मुख्यमंत्र्यांनी दिले.
नवी मुंबई महानगरपालिकेत 14 गावांचा समावेश करण्याची भूमिपुत्रांची मागणी मान्य करण्यात आली असून यासंदर्भात अधिसूचना जारी करण्यात आली आहे. या गावांमध्ये आता नवी मुंबई महापालिकेप्रमाणे विकासकामे होतील, असा विश्वास मुख्यमंत्र्यांनी व्यक्त केला.
हेही वाचा
Share
Tweet
