मुंबईतील रस्ते सुधारणा प्रकल्पाला गती देत Brihanmumbai Municipal Corporation च्या नव्याने नियुक्त आयुक्त अश्विनी भिडे यांनी पहिल्याच आढावा बैठकीत मोठे निर्देश दिले आहेत. सुमारे 300 किमी रस्त्यांचा पहिला टप्पा डिसेंबर 2026 पर्यंत पूर्ण केला जाणार आहे. 391 किमी रस्त्यांचा दुसरा टप्पा मे 2027 पर्यंत पूर्ण करण्याचे लक्ष्य ठेवण्यात आले आहे.

पालिका आयुक्त भिडे यांनी अधिकाऱ्यांना स्पष्ट सूचना दिल्या की कामासाठी कोणतीही मुदतवाढ दिली जाणार नाही. तसेच, कामाची गुणवत्ता उच्च दर्जाची राखावी आणि नागरिकांना कमीत कमी त्रास होईल याची काळजी घ्यावी.

मुंबईतील रस्ते विकासाला वेग… खड्डेमुक्त मुंबईकडे भक्कम पाऊल! 🚧➡️🛣️

आज महापौर श्रीमती रितूताई तावडे आणि महानगरपालिका आयुक्त अश्विनी भिडे यांच्या उपस्थितीत मुंबईतील सी.सी. रस्त्यांच्या कामांचा आढावा घेण्यासाठी महत्त्वपूर्ण बैठक पार पडली.

मुंबईतील एकूण रस्ते जाळे सुमारे २,०५०… pic.twitter.com/g7ubxPk97z

— Ameet Satam (@AmeetSatam) April 7, 2026

सध्या सुरू असलेली रस्त्यांची कामे 31 मेपर्यंत पूर्ण करावीत आणि पावसाळ्यात नवीन कामे सुरू करू नयेत, असेही निर्देश देण्यात आले आहेत. अधिकृत आकडेवारीनुसार, एकूण कामांपैकी 72 टक्के काम पूर्ण झाले आहे, 14.6 टक्के काम सुरू आहे, तर 13.1 टक्के काम अद्याप सुरू झालेले नाही.

या बैठकीला महापौर रितू तावडे आणि भाजप मुंबई अध्यक्ष अमीत साटम (Ameet Satam) उपस्थित होते. साटम यांनी सांगितले की, रस्ते काँक्रिटीकरणामुळे खड्डे दुरुस्तीवरील खर्चात मोठी घट झाली आहे.

• 2023-24: 202 कोटी

• 2024-25: 156 कोटी (23% घट)

• 2025-26: 89 कोटी (43% घट)

• 2026-27 (अंदाज): 44 कोटी

मुंबईला खड्डेमुक्त करण्यासाठी 2022 मध्ये सुमारे 700 किमी रस्ते काँक्रिटीकरणाचा प्रस्ताव मांडण्यात आला होता. ही संकल्पना त्यावेळी मुख्यमंत्री असलेल्या एकनाथ शिंदे (Eknath Shinde) यांची होती.

तसेच, पारदर्शकतेसाठी बीएमसीने एक रिअल-टाइम डॅशबोर्ड तयार केला असून नागरिकांना रस्ते कामांची अद्ययावत माहिती सहज मिळू शकते.

एकूणच, मुंबईत रस्ते काँक्रिटीकरणाच्या कामाला वेग आला असून खड्डेमुक्त रस्त्यांच्या दिशेने महत्त्वाचे पाऊल उचलले जात आहे.

हेही वाचा

नवी मुंबईतील सायन्स पार्क प्रकल्प 12 वर्षांपासून रखडून