बेस्ट कर्मचाऱ्यांच्या संपाचा बुधवारी दुसरा दिवस असल्यामुळं मुंबईकरांचे चांगलेच हाल होत आहेत. परंतू, रस्त्यावर एकही बस धावत नसल्यामुळं प्रवासी पर्याय म्हणून रिक्षा-टॅक्सीनं प्रवास करत आहेत. मात्र, रिक्षा-टॅक्सी चालकांकडून बेस्टच्या संपाचा गैरफायदा घेत जादा भाडे आकारून प्रवाशांची लूट चालू अाहे.
मध्य रेल्वे मार्गावरील दादर, भायखळा आणि सीएसएमटी, वडाळा रोड, घाटकोपर, कुर्ला, शिवडी तसंच पश्चिम रेल्वे मार्गावरील चर्चगेट, मुंबई सेंट्रल, अंधेरी, वांद्रे या स्थानकांबाहेर प्रवाशांच्या रिक्षा-टॅक्सीसाठी मोठ्या रांगा लागत आहेत. मात्र, बेस्टच्या संपामुळे रिक्षा, टॅक्सीचालकांकडून नियमित भाड्यांपेक्षा अधिक भाडं आकारलं जात अाहे.
कुर्ला पश्चिमेकडून वांद्रे कुर्ला संकुल, कुटुंब न्यायालयाकडे जाण्यासाठी शेअर रिक्षाचालक २५ रुपयांऐवजी ४० रुपये भाड्याची मागणी करत होते. सीएसएमटी ते गेट वे ऑफ इंडिया येथे जाण्यासाठी नियमित भाड्याऐवजी शेअर टॅक्सी चालक २५ ते ३० रुपये भाड्याची मागणी करत असल्याची माहिती प्रवाशांनी दिली आहे.
हेही वाचा -