मिलिंद म्हैसकर यांची म्हाडाचे सीईओ आणि उपाध्यक्षपदी नियुक्ती

    Mumbai
    मिलिंद म्हैसकर यांची म्हाडाचे सीईओ आणि उपाध्यक्षपदी नियुक्ती
    मुंबई  -  

    राज्य सरकारने बुधवारी पाच सनदी अधिकाऱ्यांची तडकाफडकी बदली केली असून मुख्यमंत्र्यांचे मुख्य सचिव असलेले आयएएस अधिकारी मिलिंद म्हैसकर (बॅच-1992) यांची म्हाडाचे उपाध्यक्ष आणि मुख्य कार्यकारी अधिकारी म्हणून नियुक्ती करण्यात आली आहे.

    त्याचसोबत अहमदनगर महापालिकेचे आयुक्त बी. डी. गावडे (बॅच-2007) यांची बदली नाशिकमधील आदिवासी विभागाच्या अतिरिक्त आयुक्तपदी करण्यात आली आहे. त्यांच्या जागेवर जी. सी. मांगले (बॅच-2007) यांची अहमदनगर महापालिकेच्या आयुक्तपदी बदली करण्यात आली आहे. मांगले यापूर्वी नंदूरबारमधील जिल्हा परिषदेचे मुख्य कार्यकारी अधिकारी म्हणून कार्यरत होते.

    तसेच, अहमदनगरच्या जिल्हा परिषदेचे मुख्य कार्यकारी अधिकारी रवींद्र बिनवाडे (बॅच-2012) यांची नंदूरबार जिल्हा परिषदेचे मुख्य कार्यकारी अधिकारी म्हणून नियुक्ती करण्यात आली असून त्यांच्या जागी व्ही. व्ही. माने (बॅच-2009) यांची नियुक्ती करण्यात आली आहे.

    Loading Comments

    संबंधित बातम्या

    © 2018 MumbaiLive. All Rights Reserved.