राज्यातील कोरोना व्हायरस संक्रमित रुग्णांच्या संख्येत आज लक्षणिय वाढ झाली. आतापर्यंतची ही सर्वोच्च वाढ असल्याचे आरोग्य विभागातून दिलेल्या माहितीतून स्पष्ठ होते. राज्यात आज दिवसभरात तब्बल २३,३५० नवे रुग्ण सापडले आहेत. महाराष्ट्र अनलॉक ४ आता वेगाने कार्यरत आहे. त्यामुळे अपावाद वगळता सर्व दुकाने, सेवा, जनजीन पूर्वपदावर येत असल्याचे चित्र असतानाच कोरोना व्हायरस संकट पुन्हा एकदा उग्र रुप धारण करताना दिसत आहे.
हेही वाचाः- मातोश्री बाॅम्बने उडवून देण्याची धमकी, दुबईतून आले ४ फोन काॅल
राज्यात अनलॉक ४ ला सुरवात झाली असताना, दिवसभरात कोरोनाचे २३ हजार ३५० नवे रुग्ण सापल्याने आरोग्य विभागाच्या डोकेदुखीत वाढ झाली आहे. तर दिवसभरात ३२८ कोरोना रुग्णांचा मृत्यू झाला. एकाच वेळी नोंदल्या गेलेल्या एवढ्या मोठ्या संख्येमुळे राज्यातील एकूण कोरोना व्हायरस संक्रमितांची संख्या आता ९,०७,२१२ इतकी झाली आहे. यात उपचार घेऊन आतापर्यंत डिस्चार्ज मिळालेल्या ६,४४,४०० जणांचा आणि आतापर्यंत मृत्यू झालेल्या २६६०४ जणांचाही समावेश आहे. तसेच, एकूण संख्येत ( ९,०७,२१२) राज्यात विद्यमान स्थिती प्रत्यक्ष उपचार घेत असलेल्या २,३५,८५७ रुग्णांचाही समावेश आहे.
हेही वाचाः- IPL २०२० चं वेळापत्रक जाहीर, मुंबई-चेन्नईत ‘या’ दिवशी ओपनिंग मॅच
दरम्यान, संपूर्ण राज्यासह राज्याची राजधानी असलेल्या मुंबई शहरातही कोरोना व्हायरस संकटाचे प्रमाण नियंत्रणात कायम आहे. मुंबई महापालिकेने दिलेल्या माहितीनुसार मुंबई शहरात आज दिवसभरात कोरोना व्हायरस संक्रमित १९१० नव्या रुग्णांची नोंद झाली. तर ३७ जणांचा मृत्यू झाला. आज दिवसभरात मुंबई शहरात उपचार घेऊन बरे झालेल्या ९११ जणांना रुग्णालयातून सुट्टी (डिस्चार्ज) देण्यात आली. मुंबई शहारातील एकूण कोरोना व्हायरस संक्रमितांची संख्या १,५५,६२२ इतकी झाली आहे. यात रुग्णालयात प्रत्यक्ष उपचार घेत असलेल्या २३,९३० डिस्चार्ज मिळालेल्या १,२३,४७८ आणि आतापर्यंत मृत्यू झालेल्या ७,८६६ जणांचाही समावेश आहे.
Share
Tweet
