कळवा, मुंब्य्रात पूर्ण लाॅकडाऊन, ‘असे’ आहेत नवे नियम

ठाण्यातील कळवा, मुंब्रा परिसरात COVID-19 च्या रुग्णात सातत्याने वाढ होत असल्याने ३१ मे २०२० पर्यंत कळवा प्रभाग समितीमध्ये (complete lockdown in kalwa and mumbra area in thane district) संपूर्ण लाॅकडाऊन करण्याचा निर्णय ठाणे महानगरपालिकेने घेतला आहे. 

कोरोनाबाधितांची वाढ

ठाणे जिल्ह्यातील कोरोनाबाधित (covid -19 patient) रुग्णांची संख्या ७७८१ वर गेली असून १४९ रुग्णांचा मृत्यू झाला आहे. एकूण रुग्णांपैकी २२२४ रुग्ण बरे होऊन घरी गेले असून सद्यस्थितीत ५४०८ कोरोनाबाधित रुग्णांवर उपचार सुरू आहेत. अशा स्थितीत ठाण्यातील कळवा आणि मुंब्रा परिसरात देखील मोठ्या प्रमाणात कोरोनाबाधित रुग्णांची वाढ होत आहे. या पार्श्वभूमीवर या दोन्ही परिसरांत पूर्ण लाॅकडाऊन ठेवण्याचे निर्देश ठाणे महापालिका आयुक्त विजय सिंघल यांनी दिले आहे. 

हेही वाचा - बीएमसीतील कोरोनाग्रस्त कर्मचाऱ्यांची आकडेवारी प्रथमच जाहीर, 'इतक्या' कर्मचाऱ्यांना लागण

#LockDown #Kalwa #Thane

अत्यावश्यक सेवा वगळून @TMCaTweetAway क्षेत्रातील #कळवा प्रभाग समितीमधील परिसर 28 मे 2020 ते 31 मे 2020 या चार दिवसांच्या कालावधीत पूर्णत: बंद करून लॉकडाऊन घोषित करण्यात येत आहे.@ThaneCityPolice @mieknathshinde @MahaDGIPR pic.twitter.com/bQHPxq8DmX

— DigiThane (@DigiThane) May 27, 2020

कळव्यात दुकानांच्या वेळा

आयुक्तांनी दिलेल्या निर्देशानुसार कळवा प्रभाग समिती परिसरात २८ मे ते ३१ मे २०२० या कालावधीत संपूर्ण कळवा प्रभाग लाॅकडाऊन घोषित करण्यात आला आहे. पुढील ४ दिवस लाॅकडाऊनच्या कालावधीत अत्यावश्यक सेवा वगळता (मेडिकल व दूध डेअरी (एक दिवसाआड)) सर्व दुकाने म्हणजेच किराणामाल, मटण-चिकन, मासे विक्रीसहीत इतर सर्व दुकाने पूर्णत: बंद राहतील. सदर लाॅकडाऊनचं पालन न करणाऱ्या दुकानदारांवर कळवा प्रभाग समिती, ठाणे महापालिकेमार्फत कारवाई करण्यात येईल. 

तर, उथळसर परिसरात दूध डेअरी (पहाटे ५ ते सकाळी ९)आणि औषधांची दुकाने वगळत इतर सर्व सेवा बंद राहतील.

लाॅकडाऊनच्या काळात कळवा प्रभाग समिती परिसरातील सर्व नागरिकांनी घरात राहून सहकार्य करावं. लाॅकडाऊन काळात विनाकारण परिसरात फिरताना किंवा वाहनाचा वापर करताना आढळल्यास कठोर कारवाई करण्यात येईल, असं स्पष्ट करण्यात आलं आहे. 

अत्यावश्यक सेवा वगळून मुंब्रा परिसर 27 मे पासून पूर्णत: बंद

विषाणूचा प्रादुर्भाव रोखण्यासाठी खबरदारीचा उपाय म्हणून 26 मे 2020 च्या मध्यरात्रीपासून मुंब्रा प्रभाग समितीमधील परिसर पूर्णत: बंद करण्याचा निर्णय महापालिका आयुक्त विजय सिंघल यांनी घेतला आहे. @TMCaTweetAway #Lockdown4 pic.twitter.com/hv9zmscaRn

— DigiThane (@DigiThane) May 26, 2020

कडक कारवाई

याचप्रमाणे मुंब्रा परिसरात सकाळी ७ ते ९ वाजेदरम्यान केवळ दूध आणि औषधांची दुकानेच सुरू राहतील. तर भाजीपाला, किराणा सहित इतर सर्व अत्यावश्यक सेवेची दुकाने बंद राहतील. मुंब्रा परिसरातील नागरिक मोठ्या संख्येने रस्त्यावर उतरून गर्दी करत होते. अन्नधान्य, भाजीपाला घेताना दुकानांत सोशल डिस्टन्सिंगच्या नियमांचं पालन करत नव्हते, त्यामुळे हा निर्णय घेण्यात आल्याचं ठाणे महापालिकेकडून स्पष्ट करण्यात आलं आहे. मुंब्रा परिसरातील पोलिसांची गस्त देखील वाढवण्यात आली असून परिसरातील नागरिकांनी सहकार्य करण्याचं आवाहन करण्यात आलं आहे. लाॅकडाऊनचे नियम मोडणाऱ्यांवर कठोर कारवाई करण्याचा इशारा देखील देण्यात आला आहे. हे नियम पुढील आदेश मिळेपर्यंत कायम राहणार आहेत.