कोरोनाला रोखण्यासाठी देशात चौथ्या टप्प्याचा लॉकडाऊन जाहीर करण्यात आला आहे. चौथ्या टप्प्याच्या लॉकडाऊनमध्ये काही सवलती देण्यात आल्या आहेत. विशेष करून ई-कॉमर्सला अधिक दिलासा मिळाला आहे.

लॉकडाऊनचा कालावधी आता ३१ मेपर्यंत वाढवण्यात आला आहे. गृह मंत्रालयाच्या (Ministry of Home Affairs) वतीनं चौथ्या टप्प्यासाठी विशेष नियमावली जाहीर करण्यात आली आहे. यामध्ये कंटेनमेंट झोन वगळता इतर सर्व भागांमध्ये काही विशेष सवलती देण्यात आल्या आहेत.

१८  मेपासून सुरू झालेल्या लॉकडाऊन-4 मध्ये ई-कॉमर्सला अधिक दिलासा मिळाला आहे. गृह मंत्रालयानं रेड झोनमध्ये अनावश्यक वस्तूंच्या पुरवठ्यास परवानगी दिली आहे. आता रेड झोनमध्ये असूनही, आपण Amazon, Flipkart आणि स्नॅपडील सारख्या ई-कॉमर्स कंपन्यांकडून टीव्ही, फ्रिज आणि एसी सारख्या वस्तू ऑर्डर करू शकता.

लॉकडाउन -4 मध्ये ई-कॉमर्सला ग्रीन, ऑरेंज आणि रेड या तिन्ही झोनमध्ये आवश्यक आणि अनावश्यक वस्तूंची विक्री करण्यास परवानगी देण्यात आली आहे. मात्र, कंटेनमेंट झोनमध्ये कोणत्याही प्रकारच्या वस्तू अनिवार्य आणि अनावश्यक भागात विक्री करण्याची परवानगी दिली गेली नाही.

२५ मार्चपासून पहिल्या टप्प्यातील लॉकडाऊनला सुरुवात झाली होती. लॉकडाऊनमुळे अनावश्यक वस्तूंच्या विक्रीवर बंदी घालण्यात आली होती. आता सुमारे दोन महिन्यांनंतर सरकारनं ई-कॉमर्स कंपन्यांना अनावश्यक वस्तूंच्या वितरणाची परवानगी दिली आहे.

लॉकडाऊन 4 मधील मॉल, सिनेमा हॉल आणि जिम बंद ठेवण्याचा निर्णय सरकारनं घेतला आहे. रेस्टॉरंटमधून फक्त होम डिलिव्हरी होईल. तसंच, सलूनची दुकानं सुरू करण्याचा निर्णय राज्य सरकारनं घ्यावा. राज्य सरकार मिठाई किंवा इतर दुकानं यासारख्या अन्य व्यावसायिक उघडण्याच्या निर्णयावर निर्णय घेतील. कोणत्याही कंटेनमेंट झोनमध्ये याची अनुमती नाही. केंद्र सरकारनं ३१ मेपर्यंत संपूर्ण देशात मेट्रो, ट्रेन सेवा सुरू न करण्याचा निर्णय घेतला आहे.

हेही वाचा

धक्कादायक! रुग्णालयातून मृतदेहच गायब

लाॅकडाऊन ४.०: मिरा-भाईंदरमध्ये ‘या’ वेळेत सुरू राहतील दुकाने, बघा, नवीन वेळा…