गोरेगाव आग दुर्घटना: झोपू इमारतींमधील लिफ्टला जाळीचे दरवाजे नको

गोरेगाव उन्नत नगर आग प्रकरणी नेमलेल्या आठ सदस्यीय समितीने झोपडपट्टी पुनर्वसन योजनेतील इमारतींना यापुढे जाळीदार दरवाजे नसावेत, अशी शिफारस लोकसत्ताच्या वृत्तानुसार केली आहे. आगीच्या अपघातादरम्यान लिफ्टमधून आग आणि धूर पसरण्यास वाव असतो.

यास्‍तव अशा इमारतीमधील उद्वाहनाला बंद स्‍टीलचे दरवाजे असणे सक्तीचे करण्‍यात यावे, अशी शिफारस करण्यात आली आहे.

गोरेगाव येथील जय भवानी एसआरए सहकारी संस्थेला ६ ऑक्टोबर २०२३ रोजी आग लागली होती. या घटनेसंदर्भात आठ सदस्यीय समितीने बृहन्मुंबई महापालिका आयुक्त (BMC) आणि प्रशासक इक्बाल सिंग चहल यांना प्राथमिक चौकशी अहवाल सादर केला आहे.

भविष्यात आगीच्या घटनांची पुनरावृत्ती टाळण्यासाठी समितीने 15 उपाय सुचवले आहेत. त्यात लिफ्टबाबत ही महत्त्वाची निरीक्षणे नोंदवली आहेत. चहल यांनी समितीने सादर केलेला अहवाल स्वीकारला आहे.

गोरेगाव आग दुर्घटनेनंतर मुख्यमंत्री एकनाथ शिंदे यांच्या आदेशानुसार बीएमसी आयुक्तांनी अतिरिक्त महापालिका आयुक्त (पश्चिम उपनगरे) यांना प्राथमिक चौकशी करून अहवाल सादर करण्याचे आदेश दिले आहेत. 

सुधाकर शिंदे यांना देण्यात आला. सुधाकर शिंदे यांच्या अध्यक्षतेखाली आठ अधिकाऱ्यांची समिती स्थापन करण्यात आली. या समितीमध्ये महापालिका अधिकारी, पोलिस, झोपडपट्टी पुनर्वसन, अग्निशमन अधिकारी, म्हाडा आणि इतर प्राधिकरणे आणि एजन्सींच्या अधिकाऱ्यांचाही समावेश होता. या समितीने विविध सूचना केल्या आहेत. लिफ्टबाबत सूचना देण्यात आल्या आहेत.

इमारतीतील सर्व मजल्यांवर फ्लॅटचे प्रमाण जास्त असल्याने विकासकाने इमारतीत प्रत्येक मजल्यावर सामान्य खुली जागा आणि एकापेक्षा जास्त जिने उपलब्ध करून द्यावेत. त्याचप्रमाणे, पायऱ्यांची रुंदी 2 मीटरपेक्षा जास्त असावी अशीही शिफारस करण्यात आली आहे.

पुनर्वसन इमारत व विक्री इमारतीमधील रहिवाशांच्या दुचाकी व चारचाकी वाहनांसाठी पार्किंगसाठी जागा देण्याचेही नमूद करण्यात आले आहे.

अनेक पुनर्वसन इमारतींमध्ये भोगवटा प्रमाणपत्र मिळण्यापूर्वीच भोगवटादारांना ताबा दिला जातो. अशा इमारतींना भोगवटा प्रमाणपत्र नसल्यामुळे अग्निशमन विभागाच्या प्रक्रियेनुसार प्रमाणपत्र (फॉर्म-बी) आवश्यक नाही.

तथापि, अग्निशमन दलाने अशा इमारतींमध्येही 'फॉर्म-बी' नुसार तपासणी/पडताळणीबाबत नियमावली विकसित करावी, अशी महत्त्वाची सूचनाही करण्यात आली आहे.

हेही वाचा

बोरिवलीतील 8 मजली इमारतीला लागलेल्या आगीत दोघांचा मृत्यू, 8 जखमी