२९ एप्रिल म्हणजेच सोमवारी मुंबईत मतदान होणार आहे. पण त्यापूर्वी मतदान केंद्राची माहिती नको का? मतदानाच्या दिवशी याला त्याला विचारण्यापेक्षा तुम्हीच माहिती करा नेमकं कुठलं मतदान केंद्र आलं आहे ते. मतदान केंद्र शोधण्यासाठी तुम्हाला घराच्या बाहेर पडण्याची गरज नाही. एका क्लिकवर तुम्हाला तुमचं मतदान केंद्र कळू शकेल. पण कसं? हेच आज आम्ही तुम्हाला सांगणार आहोत.

१. नॅशनल वोटर्स सर्विस पोटरल (National Voters' Service Portal) या साईट वर जा. उजव्या कोपऱ्यात बुथ एसी आणि पिसी ('Booth, AC and PC') लिहिलेलं आढळेल. त्यावर क्लिक करा.

२. तुमच्यासमोर एक नवीन पेज उघडेल. आता तुमच्यासमोर २ पर्याय आहेत. एक तर नाव आणि माहितीद्वारे मतदान केंद्र शोधायचं किंवा मग मतदार ओळखपत्राचा वापर करायचा. तुमच्या सोयीनुसार तुम्ही पर्याय निवडू शकता.

३. तुम्ही जर नाव आणि माहिती भरण्याचा पर्याय निवडत असाल तर मतदार ओळखपत्रावर असलेली माहिती जशीच्यातशी भरणे आवश्यक आहे. माहितीत चूक झाली तर पुढची प्रक्रिया होणार नाही.

४. दुसऱ्या पर्यायात म्हणजे तुम्ही जर मतदार ओळखपत्र वापरणार असाल तर सुरुवातीलाच दिलेला EPIC No. ज्याला मतदार ओळख क्रमांक म्हणतात तो योग्यरीतीनं भरा. शिवाय कोड लक्षपूर्वक लिहायला विसरू नका.

५. एवढं केलं की तुमची सगळी माहिती तुम्हाला झटक्यात दिली जाते. या माहितीत तुमच्या मतदान केंद्राची माहिती पण असते.

६. तुम्ही SMS द्वारे पण मतदान केंद्र शोधू शकता.

७. इपिक (EPIC) स्पेस आणि तुमचा मतदार क्रमांक लिहून १९५० या क्रमांकावर SMS पाठवायचा. थोड्याच वेळात तुम्हाला मतदान केंद्राची माहिती पाठवली जाते.

हेही वाचा

भारतात अशी झाली पहिली निवडणूक, निवडणुकीसाठी लागले ५ महिने