उन्हाळ्याच्या वाढत्या तापमानापासून बाहेर काम करणाऱ्या असंघटित कामगारांचे (Field workers) संरक्षण करण्यासाठी, महाराष्ट्र (maharashtra) सरकारने सोमवारी एक व्यापक प्रमाणित कार्यप्रणाली (एसओपी) जारी केली आहे.

यामध्ये तीव्र उष्णतेच्या परिस्थितीत कठोर उपाययोजना अनिवार्य करण्यात आल्या आहे. गंभीर सतर्कतेच्या काळात दुपारी 12 ते 4 या वेळेत काम सक्तीने थांबवण्याचा समावेश आहे.

मार्गदर्शक तत्त्वांची घोषणा करताना राज्याचे आपत्ती व्यवस्थापन मंत्री गिरीश महाजन म्हणाले की, मुंबईसारख्या उच्च जोखमीच्या भागांमधील आणि इतर संवेदनशील प्रदेशांमधील महानगरपालिका, नगरपालिका आणि नगरपंचायतींसह सर्व शहरी स्थानिक स्वराज्य संस्थांमध्ये ही एसओपी लागू केली जाईल.

"महाराष्ट्रामध्ये अनेक जिल्हे तीव्र उष्णतेच्या परिस्थितीचा सामना करत आहेत, ज्यामुळे आरोग्यावर परिणाम होतो आणि मृत्यूदेखील होऊ शकतो. अशा धोक्यांना सामोरे जाणाऱ्या लोकांचे संरक्षण करणे हा या एसओपीचा उद्देश आहे," असे गिरीश महाजन यांनी हिंदुस्तान टाइम्सला सांगितले.

मार्गदर्शक तत्त्वांनुसार, ऑरेंज आणि रेड हीट अलर्ट दरम्यान, बाहेरील कामाची वेळ दिवसाच्या थंड वेळेत, साधारणपणे सकाळी 6 ते 11 आणि दुपारी 4 ते 8 या वेळेत, पुनर्निर्धारित करणे आवश्यक आहे, तसेच तीव्र उष्णतेच्या (heat waves) वेळेत दुपारच्या वेळी अनिवार्य विश्रांती घेणे बंधनकारक आहे.

ही एसओपी विशेषतः असंघटित क्षेत्रातील कामगारांना लक्ष्य करते, ज्यांना प्रतिकूल हवामानाचा सर्वाधिक सामना करावा लागतो.

यामध्ये रस्त्यावरील विक्रेते, बांधकाम मजूर, स्वच्छता कर्मचारी, वाहतूक पोलीस कर्मचारी, गिग आणि डिलिव्हरी कामगार, रिक्षाचालक, हमाल, आशा आणि अंगणवाडी सेविका इत्यादींचा समावेश आहे.

निर्जलीकरण आणि उष्णतेमुळे होणाऱ्या आजारांना आळा घालण्यासाठी, बाजारपेठा, वाहतूक जंक्शन, ट्रान्झिट हब आणि विक्री क्षेत्रे यांसारख्या प्रमुख सार्वजनिक ठिकाणी पाणी केंद्रे उभारण्याचे निर्देश प्रशासनाला देण्यात आले आहेत.

प्राथमिक आरोग्य केंद्रे, वॉर्ड कार्यालये आणि स्वयंसेवी संस्थांमार्फत ओरल रिहायड्रेशन सोल्युशन (ORS) आणि इलेक्ट्रोलाइट सप्लिमेंट्सचे वितरण देखील सुनिश्चित केले जाईल.

कोकणातील हापूस उत्पादनात घट, मुंबईत दर गगनाला

मुंबईत स्वयंचलित दरवाजे असलेली पहिली नॉन-एसी लोकल ट्रेन दाखल