मीरा-भाईंदरमध्ये ११ फेब्रुवारीला २४ तास पाणीपुरवठा खंडित करण्यात येणार आहे. मीरा-भाईंदर पालिकेनं यासंदर्भात माहिती दिली आहे. पाणी विभागानं दिलेल्या माहितीनुसार, २४ तास पाणी पुरवठा खंडित करण्यात येणार आहे. १० फेब्रुवारी रात्री १२ ते ११ फेब्रुवारी रात्री १२ या वेळेत पाणी येणार नाही.
पाणीपुरवठा योजने अंतर्गत महाराष्ट्र औद्योगिक विकास महामंडळानं जांभूळ इथल्या बर्वी जल उपचार केंद्रात जलवाहिनी देखभाल आणि दुरुस्तीचे काम हाती घेतल्यानं पाणीपुरवठा खंडित करण्यात येणार आहे. तथापि, एसटीईएम(STEM)कडून पाणीपुरवठा सुरू राहील.
पाणी कपात करण्यात आल्यानं नागरिकांनी १० फेब्रुवारीला पाण्याचा साठा करावा. याशिवाय पाण्याचा वापर कमी करावा, असं आवाहन प्रशासनाकडून करण्यात आलं आहे. एमआयडीसी आणि एसटीईएम पाणीपुरवठा प्राधिकरण संयुक्तपणे दुहेरी शहरांना पाणीपुरवठा करते.
हेही वाचा