महालक्ष्मी मंदिरात दररोज हजारो भाविक येत असतात. येणारे वृद्ध नागरिक व इतर गरजू व्यक्तींना मंदिरात जाण्यासाठी बॅटरीवर धावणारी कार उपलब्ध करून देण्यात आली आहे.
तसेच मुंबई महापालिकेने सागरी किनारा मार्ग प्रकल्पांतर्गत (मुंबई कोस्टल रोड) केलेल्या भरावावर, भुलाभाई देसाई मार्ग येथील सार्वजनिक वाहनतळ ते महालक्ष्मी मंदिरापर्यंत फूटपाथ बांधला आहे. याचे लोकार्पण मुंबई शहराचे पालकमंत्री दीपक केसरकर आणि उपनगरचे पालकमंत्री मंगलप्रभात लोढा यांच्या हस्ते करण्यात आले.
नवीन अतिरिक्त फूटपाथ नवरात्रीपूर्वी बांधून पूर्ण करण्याचे आश्वासन पालिका आयुक्त इक्बालसिंह चहल यांनी दिले होते. ही कालमर्यादा पाळून हा सहा मीटर रुंद आणि अंदाजे ३०० मीटर लांबीचा फूटपाथ घटस्थापनेच्या मुहूर्तावर खुला करून दिल्याबद्दल केसरकर यांनी पालिकेचे कौतुक केले.
हेही वाचा
Share
Tweet
