भातसा आणि अप्पर वैतरणा धरणांच्या राखीव साठ्यातून पाणी मिळण्याची शक्यता धूसर झाल्याने बृहन्मुंबई महापालिकेने (BMC) पाणीकपातीचा प्रस्ताव तयार केला आहे. त्यामुळे 1 मार्चपासून मुंबईत 10 टक्के पाणीकपात लागू होण्याची शक्यता आहे. (Mumbai BMC might implement 10 percent water cut from March 1)

मुंबईची तहान भागवणाऱ्या सातही धरणांमध्ये केवळ 45.43 टक्के पाणीसाठा शिल्लक आहे. गेल्या तीन वर्षांतील हा सर्वात कमी पाणीसाठा आहे. हे पाणी पावसाळ्यापर्यंत पुरणार नसल्याने भातसा आणि अप्पर वैतरणा येथून आरक्षित पाणी मिळावे, अशी मागणी महापालिकेने राज्य सरकारला पत्र लिहून केली आहे. मात्र 10 दिवस उलटूनही सरकारने कोणतेही उत्तर दिलेले नाही. त्यामुळे पाणीकपातीचा प्रस्ताव प्रशासकीय मान्यतेसाठी पाठवण्यात आल्याचे सूत्रांनी सांगितले.

मुंबईला पाणीपुरवठा करणाऱ्या अप्पर वैतरणा, मोडकसागर, तानसा, मध्य वैतरणा, भातसा, विहार, तुळशी या सात धरणांमध्ये एकूण 657 हजार 546 दशलक्ष लिटर म्हणजेच 45.43 टक्के पाणीसाठा आहे.

धरणांमध्ये कमी साठा असल्याने मार्च महिन्यातच महापालिकेला राखीव साठ्यातून पाणी मागावे लागले आहे. गेल्या वर्षी जूनमध्ये अतिवृष्टीमुळे राखीव साठ्याची पालिकेची मागणी राज्य सरकारने मान्य केली होती. त्यामुळे पाण्याची कमतरता भासली नाही. मात्र, जुलैमध्ये पुन्हा पावसाने दडी मारल्याने 10 टक्के कपात करावी लागली. ऑगस्ट 2023 मध्ये पाणीसाठा 81 टक्क्यांवर पोहोचल्यानंतर तो रद्द करण्यात आला.

हेही वाचा

मुंबईत अद्ययावत अन्न चाचणी लॅब सुरू होणार

गोखले पुलाची एक लेन आजपासून खुली होणार