बृहन्मुंबई महानगरपालिकेच्या (bmc) जलअभियंता विभागाच्या माहितीनुसार, गुरुवारी सकाळी 6 वाजता मुंबईला (mumbai) पिण्याचा पाणीपुरवठा (water stock) करणाऱ्या सात तलावांमधील एकूण पाणीसाठा 1,11,849 दशलक्ष लिटर (ML) इतका होता.

हा साठा त्यांच्या एकूण उपयुक्त साठवण क्षमतेच्या (14,47,363 ML) 7.73 टक्के इतका आहे.

या जलाशयांपैकी विहार तलावात (lakes) सर्वाधिक उपयुक्त पाणीसाठा (45.71 टक्के) नोंदवला गेला आहे.

तसेच त्यानंतर तुळशी तलाव (21.76 टक्के) आणि मोडक सागर (19.61 टक्के) यांचा क्रमांक लागतो. मिडल वैतरणा तलावातील साठा 11.16 टक्के होता, तर भातसा आणि तानसा तलावांमध्ये अनुक्रमे 6.75 टक्के आणि 1.49 टक्के साठा नोंदवला गेला.

शहराला पाणीपुरवठा करणाऱ्या तीन प्रमुख जलाशयांचा म्हणजेच अप्पर वैतरणा, तानसा आणि मिडल वैतरणाचा एकूण पाणीसाठा 49,045 ML इतका होता, जो त्यांच्या एकत्रित उपयुक्त क्षमतेच्या 7.06 टक्के आहे.

गेल्या 24 तासांत, सात जलाशयांपैकी तुळशी तलावात सर्वाधिक (26 मिमी) पाऊस पडला; त्यानंतर विहार (27 मिमी) आणि अप्पर वैतरणा (8 मिमी) यांचा क्रमांक लागतो.

शहराच्या पाणीपुरवठा यंत्रणेवर देखरेख करणाऱ्या भांडुप संकुलात (Bhandup Complex) दिवसभरात 6 मिमी पावसाची नोंद झाली, ज्यामुळे या हंगामातील एकूण पावसाचे प्रमाण 195 मिमीवर पोहोचले आहे.

अधिकाऱ्यांनी सांगितले की, मान्सूनच्या आगमनामुळे तलावांमधील पाणीपातळीत हळूहळू सुधारणा होत आहे.

तरीही, एकूण पाणीसाठा गेल्या वर्षीच्या याच कालावधीच्या तुलनेत लक्षणीयरीत्या कमी आहे. गेल्या वर्षी या सात जलाशयांमध्ये एकत्रितपणे 5,06,890 ML पाणीसाठा होता, जो त्यांच्या उपयुक्त क्षमतेच्या 35.02 टक्के इतका होता.

हेही वाचा

नवी मुंबईला मुसळधार पावसाचा तडाखा

मुंबईत मुसळधार पावसाचा कहर