19 जून रोजी मुंबईत (mumbai) जूनमध्ये 2023 नंतरचा सर्वाधिक 24 तासांचा पाऊस (mumbai rains)आणि गेल्या सात वर्षांतील दुसऱ्या क्रमांकाचा सर्वाधिक पाऊस नोंदवला गेला.

भारतीय हवामान विभागाच्या (IMD) आकडेवारीनुसार मुंबईच्या कुलाबा येथील वेधशाळेत गुरुवारी सकाळी 8.30 वाजता संपलेल्या 24 तासांच्या कालावधीत 142.6 मिमी पावसाची नोंद झाली.

या वर्षी 24 तासांच्या कालावधीत भारतीय हवामान विभागाच्या (india meteorological department) वेधशाळेत नोंदवलेला हा सर्वाधिक पाऊस आहे आणि गेल्या दोन वर्षांत जूनमध्ये नोंदवलेला सर्वाधिक एक दिवसाचा पाऊस आहे. यापूर्वी, 2023 मध्ये 29 जून रोजी 148 मिमी पावसाची नोंद झाली होती.

याआधी 2018 मध्ये, कुलाबा वेधशाळेत 10 जून रोजी एकाच दिवशी 164 मिमी पावसाची नोंद झाली होती. दरम्यान, सांताक्रूझ वेधशाळेत गेल्या 24 तासांत 60.5 मिमी पावसाची नोंद झाली.

दरम्यान, बृहन्मुंबई महानगरपालिकेच्या (bmc) स्वयंचलित हवामान प्रणालीनुसार मुंबई शहरात 86 मिमी पाऊस पडला, त्यानंतर पूर्व उपनगरात 65 मिमी आणि पश्चिम उपनगरात 53 मिमी पाऊस पडला.

शिवाय, महापालिकेच्या आकडेवारीनुसार गेल्या 24 तासांत मुंबईच्या तलावातील पाण्याच्या पातळीत 3 टक्क्यांनी वाढ झाली आहे. महापालिकेच्या आकडेवारीनुसार, सरासरी पाणीसाठा 13.18 टक्के किंवा एकूण 14.47 लाख दशलक्ष लिटर क्षमतेच्या तुलनेत 1.9 लाख दशलक्ष लिटर इतका आहे.