राज्याचे माजी पोलीस महासंचालक सुबोधकुमार जयस्वाल (Subodh Kumar Jaiswal) यांची सीबीआयच्या महासंचालकपदी (New Director of CBI) वर्णी लागली आहे. गेल्या अनेक दिवसांपासून सीबीआयचे प्रमुखपद हे रिक्त होते. अखेर त्या जागेवर सुबोधकुमार जयस्वाल यांची निवड करण्यात आली आहे.
दोन वर्षांसाठी सुबोधकुमार जयस्वाल यांची सीबीआयच्या संचालकपदावर नियुक्ती करण्यात आली आहे. सुबोधकुमार जयस्वाल हे १९८५ च्या बॅचचे पोलीस अधिकारी आहेत. त्यांचे नाव सीबीआय महासंचालक पदासाठी गेल्या अनेक दिवसांपासून चर्चेत होते.
पंतप्रधान नरेंद्र मोदी यांच्या अध्यक्षतेखाली कठित एका उच्चस्तरीय समितीनं सीबीआयच्या महासंचालकपदासाठी काही नावांची यादी तयार केली होती. या यादीमध्ये सीआयएसएफचे महासंचालक सुबोधकुमार जयस्वाल, सशस्त्र सीमा बलचे महासंचालक कुमार राजेश चंद्रा आणि केंद्रीय गृह मंत्रालयात विशेष सचिव असलेले व्ही. एस. के.य कौमुडी यांच्या नावाचा समावेश होता.
कोण आहेत सुबोध कुमार जयस्वाल?
सीबीआयच्या महासंचालक पदावर सुबोधकुमार जयस्वाल यांची नियुक्ती करण्यापूर्वी सीबीआयचे अतिरिक्त संचालक प्रवीण सिन्हा यांच्याकडे या पदाचा कार्यभार होता. सीबीआयचे महासंचालक ऋषी कुमार शुक्ला हे सेवानिवृत्त झाल्यानंतर प्रवीण सिन्हा यांच्याकडे प्रभार देण्यात आला होता.
हेही वाचा