दादरमध्ये स्लॅब कोसळून पाच जण जखमी

दादरच्या एन सी केळकर रोडवर असलेल्या विसावा हॉटेल परिसरातील कोमल इमारतीचा स्लॅब कोसळल्यामुळे 5 जण जखमी झाले.

बुधवारी दादरच्या एन सी केळकर रोडवरील कोमल इमारतीचा स्लॅब दुपारच्या सुमारास अचानक कोसळला. यामध्ये जखमी झालेल्या 4 जणांना किरकोळ दुखापत झाल्याने त्यांच्यावर केईएम रुग्णालयात त्यांच्यावर उपचार करून सोडण्यात आले तर 17 वर्षांच्या सानिका कारंडे या मुलीच्या पायला दुखापत झाल्याने तिच्यावर रुग्णालयात उपचार सुरू असल्याची माहिती पोलिसांनी दिली.