मुंबई-पुणे महामार्गावरील बहुप्रतिक्षित ठाणे खाडी पूल-3 चे तीन लेन सप्टेंबर अखेरीस खुले होणार आहेत. पुणे-मुंबई (mumbai-pune route) मार्गासाठी उर्वरित तीन लेन जानेवारी 2025 मध्ये चालू होणे अपेक्षित आहे.

इंडियन एक्स्प्रेसने दिलेल्या वृत्तानुसार, महाराष्ट्र राज्य रस्ते विकास महामंडळाच्या (msrdc) अधिकाऱ्याने दावा केला आहे की पुलाच्या तीन लेनचे काम जवळपास पूर्ण झाले आहे. पेंटिंग आणि साइनेजसारखे काही अंतिम काम प्रगतीपथावर आहेत.

ठाणे क्रीक ब्रिज-3 चे बांधकाम लार्सन अँड टुब्रोने 2020 मध्ये 559 कोटी रुपये खर्चून सुरू केले होते. नवीन पूल सध्याच्या ठाणे खाडी पुल-2 (thane creek bridge) च्या समांतर बांधला जात असून तो 1.8 किलोमीटर लांबीचा असेल. फेब्रुवारी 2025 मध्ये पूल पूर्णपणे उघडल्यानंतर, प्रत्येक दिशेने सहा लेनसह एकूण 12 लेन असतील.

या पुलाचे उद्घाटन पंतप्रधान नरेंद्र मोदी (narendra modi)यांच्या हस्ते होण्याची शक्यता सूत्रांनी वर्तवली आहे. आरे ते वांद्रे कुर्ला कॉम्प्लेक्स (bkc) या भूमिगत मुंबई (mumbai) मेट्रो 3 प्रकल्पाचे लोकार्पण करण्यासाठी ते मुंबईत येण्याची अपेक्षा आहे.

या प्रकल्पात अनेक अडथळे आले असून त्यामुळे विलंब होत आहे. सुरुवातीला या पुलाची एक बाजू एप्रिलमध्ये सुरू होणार होती, मात्र ती पुढे ढकलण्यात आली. स्थानिक मासेमारी करणाऱ्या मंडळींच्याही अनेक तक्रारी होत्या. या पुलाचा त्यांच्या उपजीविकेवर कसा परिणाम होऊ शकतो याबद्दल त्यांनी चिंता व्यक्त केली होती. तसेच या समस्यांचे निराकरण करुन नुकसान भरपाई देण्यात आली होती.

या व्यतिरिक्त, मुंबई महानगर प्रदेश विकास प्राधिकरण (mmrda) कनेक्टिव्हिटी आणखी सुधारण्यासाठी योजनांवर काम करत आहे.

तीन अतिरिक्त पुलांच्या कामासाठी सल्लागार नेमण्यात आले आहेत. हे पूल ठाणे खाडीला समांतर बांधले जातील. यामुळे भिवंडीतील खारबाव, पायेगाव आणि काल्हेर ठाण्यातील घोडबंदर रोडवरील कासारवडवली, गायमुख आणि कोलशेतला जोडतील.

हेही वाचा

भारतामाता चित्रपटगृह 'या' दिवसापासून पुन्हा होणार सुरू

पालिका कर्मचाऱ्यांना 20% दिवाळी बोनस देण्याची मागणी