मुंबई ते अहमदाबाद या बुलेट ट्रेन मार्गावर ठाणे जिल्ह्यातले म्हातार्डी रेल्वे स्थानक ठाणे, कोपर रेल्वे स्थानक तसेच तळोजा मेट्रोला कसे जोडता येईल हे पाहण्याचे निर्देश उपमुख्यमंत्री एकनाथ शिंदे यांनी दिले.
एमएसआरडीसी कार्यालयात सोमवारी झालेल्या बैठकीस उपमुख्यमंत्र्यांचे प्रधान सचिव नवीन सोना, महारेल तसेच हायस्पीड रेल्वेचे अधिकारी देखील उपस्थित होते.
ठाणे जिल्ह्यात बुलेट ट्रेनचे स्थानक दिवाजवळ म्हातार्डी येथे उभारले जात आहे. मुंबई-अहमदाबाद बुलेट ट्रेन मार्गावरील हे महत्त्वाचे जंक्शन असेल. पुढे चालून हे स्टेशन एकात्मिक वाहतूक केंद्र बनेल. हे स्थानक बुलेट ट्रेनसह रेल्वे, मेट्रो, बस आणि महामार्ग यांना जोडेल.
📍 मुंबई |#मुंबई ते #अहमदाबाद या बुलेट ट्रेन मार्गावर ठाणे जिल्ह्यातील दिवा जवळील म्हातार्डी येथे उभारण्यात येणारे बुलेट ट्रेनचे रेल्वे स्थानक ठाणे, कोपर रेल्वे स्थानकास तसेच तळोजा मेट्रोला कसे व्यवस्थित जोडता येईल याबाबत विशेष बैठक पार पडली.
— Eknath Shinde - एकनाथ शिंदे (@mieknathshinde) October 6, 2025
म्हातार्डी हे मुंबई-अहमदाबाद बुलेट…
महारेलने यासंदर्भात एक विस्तृत आरेखनाचे सादरीकरण केले. यामध्ये म्हातार्डी स्थानक हे ठाणे रेल्वे स्थानक, कोपर तसेच तळोजा मेट्रो यांना कसे जोडता येऊ शकेल याचे संकल्पचित्र होते.
बुलेट ट्रेन स्थानक जोडले गेल्यास ठाणे रेल्वे स्थानक, कोपर तसेच नवी मुंबईतील तळोजा येथील मेट्रो स्थानक येथून प्रवाशांना सहजपणे म्हातार्डी येथे येता येईल. त्यामुळे या परिसरातील नागरिकांना याचा फायदा होणार असल्याचे सांगण्यात आले.
हेही वाचा
Share
Tweet
