नवीन वाहतूक आराखड्यानुसार मूस चौक, अशोक सिनेमा, सिडको आणि स्टेशन अॅप्रोच रोड येथून रेल्वे स्थानकाकडे येणाऱ्या वाहनांना आता रेल्वे सुरक्षा दल (RPF) कार्यालयाजवळून प्रवेश दिला जाणार नाही.
त्याऐवजी ही वाहने डॉ. बाबासाहेब आंबेडकर स्मारकाच्या मागील रस्त्याने प्लॅटफॉर्म क्रमांक 2 च्या दिशेने वळवण्यात येतील.
वाहतुकीचा प्रवाह सुरळीत ठेवण्यासाठी डॉ. बाबासाहेब आंबेडकर स्मारकापासून SATIS पुलाखालील रस्त्यापर्यंत दोन्ही बाजूंना पूर्णपणे नो-पार्किंग झोन घोषित करण्यात आला आहे.
यामुळे बेकायदा पार्किंगमुळे होणारी वाहतूक कोंडी कमी होण्यास मदत होणार आहे.
हे नवे वाहतूक नियम 25 जूनपासून लागू झाले असून पुढील 30 दिवस प्रायोगिक तत्त्वावर लागू राहतील.
या कालावधीत नागरिकांना या बदलांबाबत हरकती किंवा सूचना असल्यास त्या ठाणे वाहतूक शाखा, तीन हात नाका येथे लेखी स्वरूपात सादर करता येतील.
वाहतूक पोलिसांनी सांगितले की, प्रायोगिक कालावधीत कोणत्याही मोठ्या हरकती न आल्यास हे नवे वाहतूक नियम कायमस्वरूपी लागू करण्याचा निर्णय घेतला जाऊ शकतो.
हेही वाचा
Share
Tweet
