लाडकी बहिण योजनेच्या लाभार्थ्यांना मुख्यमंत्री अन्नपूर्णा योजनेचा लाभ देण्याचा निर्णयही राज्य सरकारने घेतला आहे. यासंदर्भातील शासन निर्णय अन्न आणि नागरी पुरवठा विभागाने मंगळवारी प्रसिद्ध करण्यात आला. 

मुख्यमंत्री माझी लाडकी बहिण योजनेंतर्गत पात्र महिलांना दरमहा 1500 रुपयांची आर्थिक मदत मिळणार आहे. राज्य सरकारने लाभार्थ्यांना आणखी एक भेट दिली आहे. यानुसार, लाडकी बहिण योजनेअंतर्गत पात्र महिलांना वर्षाला तीन मोफत घरगुती गॅस सिलिंडर मिळणार आहेत.

राज्यातील 21 ते 65 वयोगटातील महिलांसाठी राज्य सरकारने नुकतीच ही योजना सुरू केली आहे.

लाडकी बहिण योजनेच्या लाभार्थ्यांना मुख्यमंत्री अन्नपूर्णा योजनेचा लाभ देण्याचा निर्णयही राज्य सरकारने घेतला आहे. यासंदर्भातील शासन निर्णय अन्न व नागरी पुरवठा विभागाने मंगळवारी प्रसिद्ध केला. यंदाच्या अर्थसंकल्पात राज्य सरकारने मुख्यमंत्री अन्नपूर्णा योजना जाहीर केली.

सध्या राज्यातील 3 कोटी 49 लाख कुटुंबांकडे घरगुती गॅस सिलेंडर कनेक्शन आहेत. तथापि, दोन्ही योजनांचे निकष पाहता, 2 कोटी कुटुंबांना संबंधित योजनेचा लाभ मिळू शकतो, उज्ज्वला गॅस योजनेअंतर्गत केंद्र सरकार सध्या पात्र महिला लाभार्थ्यांना 300 रुपये अनुदान देते.

मुख्यमंत्री अन्नपूर्णा योजनेंतर्गत राज्य सरकार त्यांच्या खात्यात आणखी 530 रुपये जमा करणार आहे. मुख्यमंत्री लाडकी बहिण योजनेच्या लाभार्थ्यांनाही या योजनेचा लाभ मिळणार असून, त्यांच्या बँक खात्यात प्रति सिलिंडर 830 रुपये जमा होणार आहेत. 1 जुलै 2024 रोजी पात्र ठरलेल्या लाभार्थ्यांना योजनेचा लाभ मिळेल.

हेही वाचा

महाविद्यालयीन विद्यार्थ्यांमध्ये आत्महत्येचे वाढते प्रमाण चिंतादायक : हायकोर्ट

दिव्यांगांसाठी ई-रिक्षाचे वितरण होणार