23 नोव्हेंबर 2025 रोजी होणाऱ्या WNC नेव्ही हाफ मॅरेथॉन (WNC Navy Half Marathon 2025) मध्ये सहभागी होणाऱ्या प्रवाशांच्या सोयीसाठी पश्चिम रेल्वे (western railway) आणि मध्य रेल्वेने (central railway) विशेष लोकल (special trains) चालवण्याचा निर्णय घेतला आहे.
त्यानुसार, मध्य रेल्वे 22/23 नोव्हेंबर 2025 (शनिवार / रविवार मध्यरात्री) रोजी 2 विशेष उपनगरीय सेवा चालवेल.
विशेष लोकल गाड्यांचे तपशील खालीलप्रमाणे आहेत:
1. मुख्य मार्ग - कल्याण-सीएसएमटी विशेष
विशेष ट्रेन कल्याणहून 02.30 वाजता निघेल आणि सीएसएमटी मुंबई येथे 04.00 वाजता पोहोचेल.
2. हार्बर मार्ग - पनवेल-सीएसएमटी विशेष
विशेष ट्रेन 02.40 वाजता पनवेलहून निघेल आणि सीएसएमटी मुंबई येथे 04.00 वाजता पोहोचेल.
या दोन्ही विशेष गाड्या सर्व स्थानकांवर थांबतील. प्रवाशांनी कृपया नोंद घ्यावी आणि सुविधांचा लाभ घ्यावा अशी विनंती आहे.
दरम्यान, पश्चिम रेल्वेने रविवार, 23 नोव्हेंबर रोजी आयोजित होणाऱ्या WNC नेव्ही हाफ मॅरेथॉनसाठी विरार ते चर्चगेट दरम्यान पहाटेची विशेष ट्रेनची घोषणा केली आहे.
पश्चिम रेल्वेने अधिकृत अधिसूचनेनुसार, विशेष स्लो लोकल ट्रेन विरारहून पहाटे 2.30 वाजता निघेल आणि चर्चगेटला पहाटे 4.12 वाजता पोहोचेल.
ही शर्यत दक्षिण मुंबईत (mumbai) होणार आहे, जी क्रॉस मैदान आणि मरीन ड्राइव्ह सारख्या प्रतिष्ठित ठिकाणांमधून जाईल. तथापि, कार्यक्रमाच्या तारखेच्या जवळ एक तपशीलवार मार्ग नकाशा उपलब्ध असेल, असे अहवालात म्हटले आहे.
मॅरेथॉनमध्ये शर्यतींचे तीन प्रकार आहेत: 21.1 किमी एअरक्राफ्ट कॅरियर रन, 10 किमी डिस्ट्रॉयर रन आणि 5 किमी फ्रिगेट रनचा समावेश आहे.
हेही वाचा
Share
Tweet
