भारत विरुद्ध ऑस्ट्रेलिया यांच्यात होणाऱ्या दुसऱ्या टेस्ट मॅचसाठी भारतीय नियामक मंडळानं (BCCI) भारतीय संघ जाहीर केला आहे. दुसरी कसोटी शुक्रवारपासून पर्थ इथं सुरू होणार आहे. मात्र, १३ सदस्यांच्या या संघातून फिरकीपटू आर. अश्विन आणि फलंदाज रोहित शर्मा यांना दुखापतीमुळे विश्रांती देण्यात आली आहे.
India name 13-man squad for 2nd Test: Virat Kohli (C), M Vijay, KL Rahul, Cheteshwar Pujara, Ajinkya Rahane (VC), Hanuma Vihari, Rishabh Pant (WK), Ravindra Jadeja, Ishant Sharma, Mohammed Shami, Jasprit Bumrah, Bhuvneshwar Kumar, Umesh Yadav #TeamIndia #AUSvIND pic.twitter.com/dBnMLqZ7AD
— BCCI (@BCCI) December 13, 2018
रोहित शर्माला कंबरदुखीचा, तर अश्विनला पोटाचा त्रास होऊ लागल्याने या दोघांनाही दुसऱ्या टेस्टमध्ये विश्रांती देण्यात आली आहे. त्यांच्याजागी संघात रवींद्र जाडेजा, भुवनेश्वर कुमार आणि उमेश यादव यांना संधी देण्यात आली आहे.
दरम्यान, अॅडलेड टेस्टमध्ये भारताने ऑस्ट्रेलियाला ३१ धावांनी पराभूत करत मालिकेत १-० ने आघाडी घेतली आहे. मात्र, उद्यापासून सुरु होणाऱ्या दुसऱ्या टेस्टमध्ये भारतीय संघात बदल पाहायला मिळणार आहे. त्यामुळं दुसरी टेस्ट मॅच भारत जिंकणार का? हे पाहणं महत्वाचं ठरणार आहे.
विराट कोहली (कर्णधार), मुरली विजय, के.एल. राहुल, चेतेश्वर पुजारा, अजिंक्य रहाणे (उपकर्णधार), हनुमा विहारी, ऋषभ पंत (विकेटकीपर), रवींद्र जडेजा, ईशांत शर्मा, मोहम्मद शमी, जसप्रीत बुमराह, भुवनेश्वर कुमार, उमेश यादव.