महान क्रिकेटपटू अजित वाडेकर हा भारतीय क्रिकेटमधील एक हिरा बुधवारी रात्री निखळला. जसलोक रुग्णालयात त्यांनी अखेरचा श्वास घेतला. शुक्रवारी सकाळी त्यांच्यावर दादर येथील शिवाजी पार्क स्मशानभूमीत अंत्यसंस्कार करण्यात येणार अाहेत. अजित वाडेकर यांच्या नेतृत्वाखाली भारतीय संघानं १९७१मध्ये वेस्ट इंडिज अाणि इंग्लंड दौऱ्यात एेतिहासिक असा मालिका विजय भारताला मिळवून दिला होता. अजित वाडेकर यांना पंतप्रधान नरेंद्र मोदी, मास्टरब्लास्टर सचिन तेंडुलकर, संजय मांजकेकर, वीरेंद्र सेहवाग, अनिल कुंबळे या दिग्गज क्रिकेटपटूंसह विविध क्षेत्रातील मान्यवरांनी श्रद्धांजली वाहिली अाहे.
अजित वाडेकर यांच्या निधनाची बातमी एेकून अतीव दु:ख झाले. ९०च्या दशकात माझ्याकडून सर्वोत्तम कामगिरी करवून घेण्यात त्यांचा मोलाचा वाटा होता. त्यांनी मला मौल्यवान सल्ले दिले. त्यांनी अनेक वेळा मला मार्गदर्शनही केले. मी त्यांचा सदैव ऋणी राहीन. वाडेकर सरांच्या निधनानंतर त्यांच्या कुटुंबियांना हा अाघात सहन करण्याचे बळ देवो, हीच ईश्वरचरणी प्रार्थना करेन, अशा शब्दांत महान क्रिकेटपटू सचिन तेंडुलकरनं वाडेकरांना श्रद्धांजली वाहिली.
Deeply saddened to hear about the demise of Ajit Wadekar Sir. He was someone who was instrumental in bringing out the best in us during the 90s. We’ll always be grateful for his advice and guidance. Praying for strength for his family during this difficult time. 🙏 RIP pic.twitter.com/coSyac73ot
— Sachin Tendulkar (@sachin_rt) August 16, 2018
अजित वाडेकर यांचे भारतीय क्रिकेटमधील योगदान प्रचंड होते. त्यांच्या समकालीन क्रिकेटपटूंनी त्यांना देव मानले होते. त्यांचा रुबाब, व्यक्तिमत्व वाखाणण्याजोगे होते. प्रशिक्षक म्हणूनही ते कडक शिस्तीचे होते. या अद्वितीय क्रिकेटपटूला श्रद्धांजली, असे ट्विट करत संजय मांजरेकर यांनी त्यांना श्रद्धांजली वाहिली.
Oh, I will dearly miss him 😔
— Sanjay Manjrekar (@sanjaymanjrekar) August 15, 2018
This pic taken in that same match. I was very fond of him and I guess he didn’t mind me too much either.#RIPWadekar pic.twitter.com/lvFbcA3gx2
अजित वाडेकर यांच्या रूपाने एक महान क्रिकेटपटू अापण गमावला अाहे. संपूर्ण संघासाठी एका प्रशिक्षकापेक्षाही मोठे होते. भारतीय क्रिकेटचा ते वटवृक्ष होते. तसेच ते एक पितृतुल्य व्यक्तिमत्व अाणि एक हुशार, चाणाक्ष कर्णधार होते. त्यांची उणीव नक्कीच जाणवेल. माझ्या क्षमतेवर विश्वास दाखविल्याबद्दल मी तुमचा ऋणी अाहे, असे ट्विट भारताचा माजी कर्णधार अाणि लेगस्पिनर अनिल कुंबळेनं केलं अाहे.
Deeply saddened by the passing away of #AjitWadekar He was more than a coach to the entire team - a father figure and a shrewd tactician. My heartfelt condolences to his family and loved ones. He will be missed. Thank you Sir for the confidence shown in my ability! 🙏
— Anil Kumble (@anilkumble1074) August 16, 2018
हेही वाचा -
महान क्रिकेटपटू अजित वाडेकर यांचे निधन
अवघे पाऊणशे वयमान... अजित वाडेकर, माधव अापटे यांनी जिंकली मने
Share
Tweet
