सचिनचा विक्रम विराटच्या नावावर; वन डे मध्ये १० हजार धावा पूर्ण

वन डे मध्ये १० हजार धावा करणारा विराट जगातील १३ वा तर भारतातील ५ वा फलंदाज ठरला अाहे.

SHARE

भारताचा कर्णधार विराट कोहली याने वेस्ट इंडिजविरोधात विशाखापट्टणम येथे सुरू असलेल्या सामन्यात आंतरराष्ट्रीय एकदिवसीय क्रिकेटमधील १० हजार धावा पूर्ण केल्या अाहेत. २०५ एकदिवशीय सामन्यात १० हजार धावांचा टप्पा गाठत विराटने सर्वाधिक वेगवान धावांचा सचिन तेंडुलकरचा विक्रमही मोडला अाहे. सचिने २५९ सामन्यांमध्ये १० हजार धावा केल्या होत्या. 


३७ वं शतक

वन डे मध्ये १० हजार धावा करणारा विराट जगातील १३ वा तर भारतातील ५ वा फलंदाज ठरला अाहे. विंडीजविरोधात गुवाहाटी येथे झालेल्या पहिल्या सामन्यात विराटने १४० धावा केल्या होत्या. दुसऱ्या सामन्यात ८१ धावांची भर घालत कोहलीने सर्वात वेगवान १० हजार धावा करण्याचा विक्रम केला. या सामन्यात विराटने सलग दुसरे शतक झळकवत १५७ धावा केल्या. विराट कोहलीने एकदिवसीय क्रिकेटमध्ये आतापर्यंत ३७ शतके आणि ४९ अर्धशतके झळकावली आहेत.


१० हजार धावा करणारे खेळाडू

  • सचिन तेंडूलकर (भारत)- १८ हजार ४२६ धावा (भारत)
  • कुमार संगकारा (श्रीलंका) – १४ हजार २३४ धावा
  • रिकी पॉण्टींग (ऑस्ट्रेलिया) – १३ हजार ७०४ धावा
  • सनथ जयसुर्या (श्रीलंका) – १३ हजार ४३० धावा
  • महेला जयवर्धने (श्रीलंका) – १२ हजार ६५० धावा
  • इंजमाम उल हक (पाकिस्तान) – ११ हजार ७३९ धावा
  • जॅक कॅलिस (द. आफ्रिका) – ११ हजार ५७९ धावा
  • सौरभ गांगुली (भारत) – ११ हजार ३६३ धावा (भारत)
  • राहुल द्रविड (भारत) – १० हजार ८८९ धावा (भारत)
  • ब्रायन लारा (वे. इंडिज) – १० हजार ४०५ धावा
  • तिलकरत्ने दिलशान (श्रीलंका) – १० हजार २९० धावा
  • महेंद्र सिंग धोनी (भारत) – १० हजार १२३ धावा


संबंधित विषय
ताज्या बातम्या