IPL 2020च्या अखेरच्या साखळी सामन्यात हैदराबादने मुंबईला १० गडी राखून पराभूत केले आणि ‘प्ले-ऑफ्स’मध्ये दिमाखात प्रवेश केला. या सामन्याअंती स्पर्धेला Top 4 संघ मिळाले.
मुंबईने साखळी सामन्याअंती १८ गुणांसह अव्वलस्थान कायम राखलं. दिल्लीनं १६ गुणांसह दुसरं स्थान पटकावलं. बंगळुरूच्या संघाने प्ले-ऑफ्समध्ये स्थान पटकावलं, पण हैदराबादची धावगती जास्त असल्याने त्यांना तिसरं स्थान मिळालं आणि बंगळुरूला चौथ्या स्थानी समाधान मानावं लागलं.
प्ले-ऑफ्सची लढाई
१३ व्या हंगामातील साखळी फेरीच्या शेवटच्या सामन्यात हैदराबादनं मुंबईला १० गडी राखून पराभूत केले आणि ‘प्ले-ऑफ्स’मध्ये दिमाखात प्रवेश केला. कायरन पोलार्डने ४१ धावा करत मुंबईला १४९ धावांपर्यंत मजल मारून दिली होती. या आव्हानाचा पाठलाग करताना हैदराबादने सामन्यावर निर्विवाद वर्चस्व गाजवलं. सलामीवीर डेव्हिड वॉर्नर आणि वृद्धिमान साहा या दोघांनी दमदार फलंदाजी करत संघाला विजय मिळवून दिला.