दरवर्षी मार्च ते एप्रिल या काळात इंडियन प्रीमियर लीग (आयपीएल)चे आयोजन केलं जातं. या आयपीएलमध्ये दरवर्षाला अनेक बदल घडत असतात. संघ मालकांपासून ते अगधी आयपीएलच्या टायटल नावापर्यंत बदल होतात. त्यानुसार, यंदाही आयपीएलमध्ये अनेक बदल करण्यात आले आहेत. विशेषत: नियमांमध्ये बदल करण्यात आले आहेत.
येत्या २६ मार्चपासून सुरू होणार आहे. यंदा आयपीएलचा १४ वे पर्व असून या पर्वात २ नव्या संघाची एन्ट्री झाली आहे. त्यामुळं यंदाच्या आयपीएलमध्ये एकूण १० संघ खेळणार आहेत. शिवाय, आयपीएल २०२२ मध्ये अनेक नवीन नियम पाहायला मिळतील. आयपीएलच्या १५व्या हंगामापूर्वी बीसीसीआयने आयपीएलच्या खेळात काही मोठे बदल केले आहेत.
आयपीएलच्या नवीन हंगामात अनेक डीआरएस रेफरल्स असतील. कोविड-१९ मुळे आयपीएलचे नियमही अपडेट करण्यात आले आहेत. बीसीसीआयने एमसीसीच्या नवीन नियमांमध्ये आणखी एक नियम जोडला आहे की, फलंदाज बाद झाल्यानंतर नवीन खेळाडू स्ट्राइक घेतील.
सामना पुन्हा शेड्यूल
जर संघ प्लेइंग इलेव्हन तयार करू शकला नाही तर तो सामना नंतर पुन्हा शेड्यूल केला जाईल. त्यानंतरही सामना झाला नाही, तर हे प्रकरण तांत्रिक समितीकडे पाठवले जाईल.
नवीन फलंदाज स्ट्राइकवर
आयपीएल २०२२ मधील दुसरा सर्वात महत्वाचा बदल DRS बाबत आहे. नवीन नियमानुसार, बीसीसीआयनुसार, प्रत्येक डावातील डीआरएसची संख्या एक वरून दोन करण्यात आली आहे. बीसीसीआयने हा निर्णय मेरीलेबोन क्रिकेट क्लबने (MCC) नुकत्याच दिलेल्या सूचनेच्या समर्थनार्थ घेतला आहे की, फलंदाज झेल घेत असताना क्रिझच्या मध्यभागी असला तरीही नवीन फलंदाजाने स्ट्राइकवर यावे.
टाय झाल्यानंतरचा नियम
आयपीएल २०२२ मध्ये आणखी एक नियम खूप खास असणार आहे. या वेळी बीसीसीआयने निर्णय घेतला आहे की प्लेऑफ किंवा अंतिम सामन्यात टाय झाल्यानंतर, सुपर ओव्हर किंवा त्यानंतर सुपर ओव्हरने कोणताही निर्णय न झाल्यास लीग टप्प्यातील खेळ पाहिला जाईल. जो संघ लीग टप्प्यात अव्वल असेल तो विजेता मानला जाईल. याचाच अर्थ आता सर्व संघांसमोर हे आव्हान असेल की प्लेऑफमध्ये पात्र ठरण्याबरोबरच या संघाला गट टप्प्यातही अव्वल स्थान मिळवावे लागेल.
Share
Tweet
