नीरज ग्रोवर हत्याकांड प्रकरणात अडकलेली कन्नड अभिनेत्री मारिया सुसायराज पुन्हा एकदा पोलिसांच्या तावडीत सापडली आहे. ठाण्यातील एका व्यावसायिकाला ३ कोटी रुपयांना फसवल्याप्रकरणी मारियासह परोमिता चक्रवर्ती आणि अन्य दोघांवर पवई पोलिस ठाण्यात नुकताच गुन्हा दाखल करण्यात आला आहे.
नीरज ग्रोव्हर यांच्या हत्येच्या आरोपात ३ वर्षांची शिक्षा भोगून बाहेर पडलेल्या मारियानं आपल्या एका मैत्रिणीसोबत ट्रॅव्हल्स एजन्सी सुरू केली. तिनं हजला जाणार्या यात्रेकरूंची जवळपास २ कोटींपेक्षा जास्त रुपयांची विमानाची तिकीटं बूक केली होती. पण ऐनवेळी ती सर्व तिकीटं रद्द करुन मरियानं पोबारा केला. परिणामी हज यात्रेकरुंना यात्रेलाही जाता आलं नाही. त्यामुळे तिच्या विरोधात आर्थिक फसवणुकीचा गुन्हा दाखल करण्यात आला होता.
सोबतच मारियाने ठाण्यातील एका व्यावसायिकाला कर्ज देण्याच्या नावाखाली ३ कोटींना गंडवल्याने पवई पोलिस ठाण्यात नुकताच तिच्यावर गुन्हा दाखल करण्यात आला आहे.
मारिया ही एक कन्नड अभिनेत्री होती. ६ मे २००८ रोजी एका प्रॉडक्शन हाऊसचा एक्झिक्युटिव असलेल्या नीरज ग्रोव्हरची मारिया सुसायराजच्या मालाडमधील फ्लॅटमध्ये हत्या झाली होती. नीरज ग्रोव्हरची हत्या करून त्याच्या मृतदेहाची विल्हेवाट लावण्याचा प्रयत्न मारियाने केला होता.
हेही वाचा-
उकाड्यामुळे घराच्या खिडक्या उघडं ठेवून झोपणं पडू शकतं महागात
मालवणीत दिराने केली वहिनीची हत्या