लोकल प्रवासात अनेकदा प्रवासी आपल्या मौल्यवान वस्तू लोकलमध्येच विसरतात. अशा विसरभोळ्या प्रवाशांनी वस्तू गहाळ झाल्याच्या किंवा त्या विसरल्याच्या ५ हजार ६१३ तक्रोरी लोहमार्ग पोलिसांच्या १५१२ हेल्पलाइनवर २ वर्षांत करण्यात आल्या आहेत. यापैकी सर्वाधिक तक्रोरी मध्य रेल्वेकडे करण्यात आल्या आहेत.
रेल्वे प्रवाशांच्या मदतीसाठी १५१२ हेल्पलाइन सुरू करण्यात आली आहे. प्रवासात एखादी वस्तू हरवणे, विसरणे, याशिवाय लोकलमधील महिला आणि अपंगांच्या राखीव डब्यात घुसखोरी, विनयभंग, छेडछाड, फे रीवाला, भिकारी, मद्यप्राशन करून प्रवास करणारे इत्यादींविषयी तक्रोरींचा भडिमार हेल्पलाइनवर होत असतो.
जानेवारी ते डिसेंबर २०२० या काळात पाच हजार ६४० आणि जानेवारी ते जुलै २०२१ दरम्यान दोन हजार ८९५ तक्रोरी अशा विविध प्रकारच्या एकू ण ८,५३५ तक्रोरी करण्यात आल्याची माहिती लोहमार्ग पोलिसांनी दिली. लोकलमध्ये वस्तू विसरल्याने मदतीसाठी सर्वाधिक ५,६१३ तक्रारी करण्यात आल्या आहेत.
मध्य रेल्वेवर तीन हजार ६१७ आणि उर्वरित तक्रारी या पश्चिम रेल्वेवरील आहेत. वस्तूंमध्ये कुणी खरेदी केलेले सामान, तर कुणाची कार्यालयीन बॅग, तसेच महत्त्वाच्या कागदपत्रांची पिशवी इत्यादींचा समावेश आहे.
हेल्पलाइनच्या माध्यमातून तक्रार मिळताच लोहमार्ग पोलिसांकडून त्याचा शोध घेतला जातो, अशी माहिती देण्यात आली. परंतु ते सापडण्याचे प्रमाण बरेच कमी आहे. आतापर्यंत २,२६० वस्तूच सापडल्या आहेत.
लोकलच्या महिला, अपंग डब्यात अन्य प्रवाशांनी घुसखोरी केल्याच्याही तक्रारी हेल्पलाइनवर आल्या आहेत. अपंगांच्या डब्यात घुसखोरी केल्यानं २०२० मध्ये ३२२ तक्रारी हेल्पलाइनवर करण्यात आल्या, तर २०२१ मध्ये हीच संख्या ५३ होती. महिला डब्यात घुसखोरी के ल्याच्या २१० तक्रारी करण्यात आल्या आहेत. अपंग तसेच महिला प्रवाशांच्या या तक्रोरीनंतर त्वरित हेल्पलाइनकडून लोहमार्ग पोलीस ठाण्यांशी संपर्क साधून कार्यवाही केली जाते.
Share
Tweet
