रिक्षाच्या प्रवासात तरुणीसोबत अश्लील प्रकार करणाऱ्यास काही तासात अटक

मुंबईत दिवसेंदिवस रिक्षाचा प्रवास महिलांसाठी असुरक्षित होताना दिसत आहे. नुकताच असा प्रकार गोरेगाव येथे घडला. रिक्षातून प्रवास करताना 18 वर्षीय तरुणीला पाहून अश्लील चाळे केल्याचा प्रकार पुढे आला आहे. या प्रकरणाची माहिती तरुणीने मुंबई पोलिसांच्या ट्विटर वर टाकताच, पोलिसांनी त्याच्या मुस्क्या आवळल्या.

गोरेगाव परिसरात राहणारी 18 वर्षाची पीडित तरुणींने शनिवारी सकाळी काँलेजला जाण्यासाठी आरोपीची. रिक्षा पकडली. त्यावेळी रिक्षाचालक तरुणीला रिक्षाच्या आरशात विचिञ नजरेने पाहू लागला, माञ त्याकडे तरुणीने दुर्लक्ष केले. माञ रिक्षा सिद्धार्थनगर येथील सिग्नलजवळ येताच, रिक्षाचालकाने आरशात तरुणीला पाहून अश्लील हरकते करू लागला. घाबरलेल्या तरुणीने त्या रिक्षा चालकाचा मोबाइलमध्ये व्हिडओ काढण्यास सुरूवात केली. तसेच तरुणीने त्याची तक्रार आणि रिक्षाचा नंबर मुंबई पोलिसांच्या ट्विटर हँडलवर टाकत तक्रार नोंदवल्यानंतर पोलिसांनी सीसीटिव्हीच्या माध्यमातून आरोपीला अटक केली.या प्रकरणी गोरेगाव पोलिस अधिक तपास करत आहेत.