दादर स्टेशनवर एका बॅगेत रक्ताने माखलेला मृतदेह आढळून आला. दादर स्टेशनच्या प्लॅटफॉर्म क्रमांक 11 वर पोलिसांना ही बॅग सापडली आणि अवघ्या चार तासांत दोन आरोपींना अटक केली.
नेमके काय घडले?
दादरच्या प्लॅटफॉर्म क्रमांक 11 वर तुतारी एक्स्प्रेसमध्ये दोन मूकबधिर व्यक्ती चढत होत्या. त्यांच्याकडे ट्रॉली बॅग होती. ही बॅग ट्रेनमध्ये चढवताना दोघांची चांगलीच दमछाक झाली. बॅगेच्या वजनामुळे दोघांनाही घाम फुटला होता. यावरून रेल्वे सुरक्षा दलाचे जवान संतोषकुमार यादव आणि पोलीस माधव केंद्रे यांच्या नजरा त्यांच्या हालचाली संशयास्पद वाटल्या.
पोलिसांनी दोघांना थांबवून बॅग उघडण्यास सांगितले. बॅग उघडल्यानंतर बॅगेत रक्ताने माखलेला मृतदेह आढळल्याने सर्वांनाच धक्का बसला. मृतदेहाच्या डोक्यावर गंभीर जखमा होत्या. एएनआयने दिलेल्या वृत्तानुसार पोलिसांनी दोघांना ताब्यात घेतले आणि बॅगही ताब्यात घेतली आणि पुढील तपास सुरू केला.
पोलीस काय म्हणाले?
पोलिसांनी दिलेल्या माहितीनुसार, बॅगेत सापडलेला मृतदेह अर्शद अली सादिक शेख याचा आहे. अर्शद सांताक्रूझ येथील कलिना परिसरात राहायला आला होता. शिवजित सिंग आणि प्रवीण चावडा नावाच्या दोन मूकबधिरांनी त्यांची हत्या केली.
हत्येनंतर त्यांनी कोकणात जाऊन मृतदेहाची विल्हेवाट लावण्याचे ठरवले. त्यामुळे त्यांनी हा मृतदेह ट्रॉली बॅगमध्ये भरला. हे दोघेही तुतारी एक्स्प्रेसने कोकणात जात होते. शिवजित सिंग आणि प्रवीण चावडा या दोघांनी अर्शदची हत्या केल्याचेही पोलिसांनी स्पष्ट केले आहे.
शिवजितला उल्हासनगर येथून अटक
ही घटना उघडकीस आल्यानंतर शिवजित सिंग दादर स्थानकातून पळून गेला. पोलिसांना त्याची माहिती प्रवीण चावडा यांच्याकडून मिळाली आणि त्यानंतर त्याचा शोध घेऊन उल्हासनगर येथून त्याला अटक केली. हत्येसाठी वापरलेले हत्यारही पोलिसांनी जप्त केले आहे. याप्रकरणी दोघांविरुद्ध गुन्हा दाखल करण्यात आला असून, दोघांनाही आता न्यायालयात हजर करण्यात येणार आहे.
हेही वाचा
Share
Tweet
