Cyber crime : सायबर गुन्हेगारांचे फसवणूकीचे नवीन फंडे

राज्यामध्ये काही गुन्हेगार व समाजकंटक या परिस्थितीचा गैरफायदा घेण्याचा प्रयत्न करत आहेत. नागरिकांना ईमेल, मेसेजद्वारे फसणूक करत असल्याचे निदर्शनास आले आहे.

Cyber crime : सायबर गुन्हेगारांचे फसवणूकीचे नवीन फंडे
SHARES

देशात सध्या कोरोना या संसर्ग रोगाने आधीच नागरिकांमध्ये भितीचे वातावरण असताना, सोशल मिडियावर चुकीच्या अफवा पसरवणाऱ्या शेकडो पोस्ट पोलिसांनी आतापर्यंत काढून टाकल्या आहेत. अशा अफवा पसरवणाऱ्यांवर आतापर्यंत राज्य सायबर पोलिसांनी ५२२ गुन्हे नोंदवलेले आहेत. राज्यामध्ये काही गुन्हेगार व समाजकंटक या परिस्थितीचा गैरफायदा घेण्याचा प्रयत्न करत आहेत. नागरिकांना ईमेल, मेसेजद्वारे फसणूक करत असल्याचे निदर्शनास आले आहे.

त्यामुळे कोरोना महामारीच्या आताच्या काळात सायबर भामट्यांनी नागरिकांची आँनलाईन आर्थिक फसवणूक करण्याच्या  उद्देशाने अनेक युक्त्याचा वापर सुरू केला आहे.त्यापासून सावधानता बाळगावी, असे आवाहन महाराष्ट्र सायबर पोलिसांकडून करण्यात आले आहे. महाराष्ट्र सायबर विभागाने यातील सातत्याने वापरल्या जाणाऱ्या सायबर भामट्यांच्या कार्यपद्धती वा युक्त्या शोधून काढल्या असून त्या पुढील प्रमाणे आहेत.

१) कोविड १९ : 

या प्रकारात तुम्हाला एक ई-मेल अथवा मेसेज येतो कि तुम्ही जर Amazon Gift Coupon खरेदी केलेत तर त्याची रक्कम कोरोना बाधित रूग्णांच्या उपचारासाठी वापरली जाईल. अशा आशयाचा मजकूर व एक लिंक दिली असते.सदर लिंक Amazon.com सारखी पण सायबर भामट्यांनी बनविलेली  फेक लिंक असते.तसेच या लिंक वर क्लिक केल्यास तुमची सर्व बँक खात्याशी संबंधित माहिती अगदी पिन क्रमांकासह विचारली जाते व सायबर भामटे त्याचा उपयोग आर्थिक फसवणूक करण्यासाठी करतात.

२) नोकरीचे आमीष दाखवून फसवणूक:

या प्रकारात तुम्हाला एक ई-मेल किंवा मेसेज येतो कि तुम्ही सध्याच्या काळात घर बसल्या काम करुन पैसे मिळवु शकतात.व एक लिंक दिली असते.सदर लिंक Amazon.com सारखी पण  सायबर भामट्यांनी बनविलेली  फेक लिंक असते.तसेच या लिंक वर क्लिक केल्यास तुमची सर्व बँक खात्याशी संबंधित माहिती अगदी पिन क्रमांकासह विचारली जाते व सायबर भामटे त्याचा उपयोग आर्थिक फसवणूक करण्यासाठी करतात.

३) आँनलाईन खरेदी फसवणूक:

बहुतांश नागरिक आँनलाईन खरेदीला पसंती देतात.याचा फायदा घेऊन सायबर भामटे एखादी फेक वस्तू जसे की मोबाईल, पुस्तके,अन्य गृह उपयोगी वस्तू, किंवा अगदी पाळीव प्राणी विकायला आहेत अशी जाहिरात करतात.सदर लिंक Amazon.com किंवा अन्य e-portal सारखी दिसायला पण  सायबर भामट्यांनी बनविलेली  फेक लिंक असते.तसेच या लिंक वर क्लिक केल्यास तुमची सर्व बँक खात्याशी संबंधित माहिती अगदी पिन क्रमांकासह विचारली जाते व सायबर भामटे त्याचा उपयोग आर्थिक फसवणूक करण्यासाठी करतात.

४)  कार्यालयातील अधिकाऱ्यांच्या नावे फसवणूक:

कधी कधी तुम्हाला तुमच्या कार्यालयातील वरिष्ठ अधिकारी यांच्या नावाने एखादा ई-मेल किंवा मेसेज येतो कि तुमच्या वरिष्ठांनी तुमच्यासाठी Amazon gift card खरेदी केले आहे,तर सोबतच्या लिंकवर क्लिक करुन ते redeem करा. सदर लिंक Amazon.com सारखी पण  सायबर भामट्यांनी बनविलेली  फेक लिंक असते.तसेच या लिंक वर क्लिक केल्यास तुमची सर्व बँक खात्याशी संबंधित माहिती अगदी पिन क्रमांकासह विचारली जाते व सायबर भामटे त्याचा उपयोग आर्थिक फसवणूक करण्यासाठी करतात.

५) टँक्स भरण्याच्या नावाखाली फसवणूक  :

यामध्ये नागरिकांना एक ई-मेल किंवा मेसेज येतो कि तुम्ही काही कर (Tax) भरायचा बाकी आहे व तो तुम्ही सोबतच्या लिंकवर क्लिक करुन एका विशिष्ट तारखेपर्यंत भरा अन्यथा तुमच्यावर कडक कायदेशीर कारवाई केली जाईल.सदर लिंक ही सरकारी कर भरायच्या लिंक सारखीच दिसते, पण  सायबर भामट्यांनी बनविलेली  फेक लिंक असते.तसेच या लिंक वर क्लिक केल्यास तुमची सर्व बँक खात्याशी संबंधित माहिती अगदी पिन क्रमांकासह विचारली जाते व सायबर भामटे त्याचा उपयोग आर्थिक फसवणूक करण्यासाठी करतात.

हेही वाचाः- कोरोनाबाबत खोटी माहिती देणाऱ्या 600 पोस्ट सायबर पोलिसांनी हटवल्या

महाराष्ट्र सायबर विभागामार्फत सर्व नागरिकांना आवाहन 

१) जर वरील नमूद प्रकारचे काही ई-मेल किंवा मेसेज किंवा फोन आले तर त्यावर लगेच विश्वास ठेऊ नका.

२) सध्याच्या काळात जर कोणी तुम्हाला घर बसल्या पैसे मिळवु शकता असे सांगत असतील तर लगेच विश्वास ठेऊ नका तुम्ही  फसविले जाण्याची शक्यता अधिक आहे.

३) आँनलाईन खरेदी करताना सावधानता बाळगा. एखादी वस्तू जर कोणी बाजारभावाच्या पेक्षा खुप स्वस्त विकत असेल,तर  सतर्क व्हा.

४) इंटरनेटवर उपलब्ध असलेली सर्व काही माहिती खरीच असेल असे नाही.

५) जर तुम्हाला तुमच्या वरिष्ठांनी gift card coupon भेट दिली आहे असा काही ई-मेल किंवा मेसेज आला तर त्याची वरिष्ठांकडून खात्री करून घ्यावी.

जर तुमची वरील नमूद प्रकाराने किंवा अन्य कोणत्याही प्रकारची आँनलाईन आर्थिक फसवणूक झाली असेल तर त्याची तक्रार जवळच्या पोलिस ठाण्यात नोंदवा, तसेच www.cybercrime.gov.in या वेबसाईटवर पण माहिती द्यावी. असे आवाहन महाराष्ट्र सायबर विभागामार्फत करण्यात येत आहे.


संबंधित विषय