चेंबूरच्या टिळक नगर परिसरातील अमरदीप इमारतीत एका फ्लॅटला दुपारी आग लागली. या आगीत लीला नायर या वृद्ध महिलेचा जळून मृत्यू झाला. या प्रकरणी टिळक नगर पोलिस ठाण्यात अपमृत्यूची नोंद करण्यात आली आहे.
चेंबूरच्या टिळक नगर परिसरातील अमरदीप इमारतीच्या दुसऱ्या मजल्यावर मृत लीला नायर त्यांच्या मुलीसोबत रहात होत्या. मंगळवारी सकाळी नायर यांची मुलगी कामावर गेल्यानंतर लीला नायर घरी एकट्याच होत्या. त्यावेळी घरातील किचनमध्ये अचानक आग लागली. क्षणार्धात ही आग घरभर पसरली. या आगीत लीला नायर गंभीररित्या होरपळल्या. आगीची माहिती शेजाऱ्यांना कळाल्यानंतर त्यांनी त्वरीत अग्नीशमन दलाला बोलवलं.
अग्निशमन दलाच्या जवानांनी नायर यांना १०८ या शासकीय रुग्णवाहिकेने रुग्णालयात दाखल केलं. मात्र उपचारादरम्यान नायर यांचा मृत्यू झाल्याचं डाॅक्टरांनी घोषित केलं. या प्रकरणी टिळक नगर पोलिस ठाण्यात अपमृत्यूची नोंद करण्यात आली आहे.
हेही वाचा-
नोकरीच्या अामिषानं ४ लाखांना गंडवलं
Share
Tweet
